ഐപിഎലിൽ ഇന്നലെ നടന്ന മത്സരത്തിൽ മുംബൈ ഇന്ത്യൻസിനെതിരെ റോയൽ ചലഞ്ചേഴ്സ് ബെംഗളുരുവിനു 18 റൺസിന് ജയം. ബാറ്റിംഗിൽ മികച്ച പ്രകടനം പുറത്തെടുത്ത ഫിൽ സാൾട്ട്, വിരാട് കോഹ്ലി, രജത് പട്ടീദാർ, ടിം ഡേവിഡ് എന്നിവരുടെ മികവിലാണ് ആർസിബിക്ക് വിജയകനായത്. ആർസിബി പടുത്തുയർത്തിയ 241 റൺസെന്ന പടുകൂറ്റൻ റൺമല കീഴടക്കാൻ മുംബൈയ്ക്ക് കഴിഞ്ഞില്ല. മറുപടി ബാറ്റിങ്ങിൽ നിശ്ചിത 20 ഓവറിൽ അഞ്ച് വിക്കറ്റ് നഷ്ടത്തിൽ 222 റൺസ് മാത്രം നേടാനാണ് മുംബൈയ്ക്ക് സാധിച്ചത്.
മൂന്നിൽ രണ്ട് മത്സരങ്ങളും ഇപ്പോൾ മുംബൈ തോറ്റിരിക്കുകയാണ്. ഇനിയുള്ള മത്സരങ്ങൾ മുംബൈ ഇന്ത്യൻസിന് നിർണായകമായിരിക്കും. ആർസിബിക്കായി ഫിൽ സാൾട്ട് 36 പന്തിൽ 78 റൺസും, വിരാട് കോഹ്ലി 38 പന്തിൽ 50 റൺസും, രജത് പട്ടീദാർ 20 പന്തിൽ 53 റൺസും, ടിം ഡേവിഡ് 16 പന്തിൽ 34 റൺസും നേടി മികച്ച പ്രകടനം നടത്തി.
മുംബൈക്കായി റയാൻ റിക്കിൽടോൺ 37 റൺസും, രോഹിത് ശർമ്മ 19 റൺസും, സുയകുമാർ യാദവ് 33 റൺസും, ഹർദിക് പാണ്ട്യ 40 റൺസും കൂടാതെ മുംബൈയുടെ ടോപ് സ്കോററായി ഷെർഫാനെ റുഥർഫോർഡ് 71 റൺസും നേടി മികച്ച പ്രകടനം നടത്തി.
മത്സരത്തിൽ ആർസിബി താരം വിരാട് കോഹ്ലി പനിയോടെയാണ് കളിച്ചത് കൂടാതെ ആംഗിൾ ഇഞ്ചുറിയും പിടിപെട്ടിരുന്നു. അതിനാൽ തന്നെ കോഹ്ലി രണ്ടാം ഇന്നിങ്സിൽ ഫീലിംഡിങ്ങിനു ഇറങ്ങിയിരുന്നില്ല. കൂടാതെ മുംബൈ മുൻ നായകൻ രോഹിത് ശർമയ്ക്കും പരിക്ക് സംഭവിച്ചു. ബാറ്റിംഗ് പൂർത്തിയാകാതെ അദ്ദേഹം റിട്ടയേർഡ് ഹർട്ട് ആയി മടങ്ങുകയായിരുന്നു.