വിരാട് കോഹ്ലിയും രോഹിത് ശര്മ്മയും വിരമിച്ചത് വരാനിരിക്കുന്ന ടെസ്റ്റ് പരമ്പരയില് ഇംഗ്ലണ്ടിന് വലിയ ഉത്തേജനം പകരുമെന്ന് ഇംഗ്ലീഷ് താരം മോയിന് അലി. ജൂണ് 20നാണ് അഞ്ച് ടെസ്റ്റുകള് ഉള്പ്പെടുന്ന പരമ്പര ആരംഭിക്കുക. യുവനിര ഉള്പ്പെടുന്ന പുതിയൊരു ടീമിനെയാണ് ഇത്തവണ ഇന്ത്യ ഇംഗ്ലണ്ടില് ഇറക്കുക. 2-2നാണ് കഴിഞ്ഞ തവണ സീരിസ് അവസാനിച്ചത്.
രോഹിതും കോഹ്ലിയും വിരമിച്ചത് തീര്ച്ചയായും ഇംഗ്ലണ്ടിന് വലിയൊരു ഉത്തേജനമാണെന്ന് ഞാന് കരുതുന്നു. ഇംഗ്ലണ്ടില് പര്യടനത്തിനായി മുന്പ് വന്നിട്ടുളള രണ്ട് മികച്ച കളിക്കാര്, അതിനാല് അവര്ക്ക് അനുഭവപരിചയവുമുണ്ട്. കഴിഞ്ഞ തവണ ഇംഗ്ലണ്ടില് ആയിരുന്നപ്പോള് രോഹിത് നന്നായി കളിച്ചത് എനിക്ക് ഓര്മ്മയുണ്ട്.
മത്സരത്തില് ഇന്ത്യന് ടീം കാണിക്കുന്ന സ്വഭാവം, അവര്ക്കുളള ലീഡേര്സ്, കോഹ്ലിയും രോഹിതും ടെസ്റ്റ് ക്രിക്കറ്റില് ഇന്ത്യയെ നയിച്ചിട്ടുണ്ട്, അതിനാല് തന്നെ ടീമിന് വലിയൊരു നഷ്ടമാണ് അവരുടെ വിരമിക്കല്, മോയിന് അലി പറഞ്ഞു.