കാല്മുട്ടിന് പരിക്കേറ്റതിനാല് ബോര്ഡര്-ഗവാസ്കര് ട്രോഫി തനിക്ക് നഷ്ടമാകുമെന്ന റിപ്പോര്ട്ടുകള് നിഷേധിച്ച് ഇന്ത്യന് പേസര് മുഹമ്മദ് ഷമി രംഗത്ത്. എക്സിലൂടെയാണ് താരത്തിന്റെ പ്രതികരണം. കണങ്കാലിലെ പരിക്കിന്റെ ശസ്ത്രക്രിയയ്ക്ക് ശേഷം ഷമി അടുത്തിടെയാണ് നെറ്റ്സില് ബോള് ചെയ്യാന് തുടങ്ങിയത്. ഇതിനിടെയാണ് താരത്തിന് വീണ്ടും പരിക്കേറ്റെന്ന തരത്തില് റിപ്പോര്ട്ടുകള് പുറത്തുവന്നത്.
‘എന്തുകൊണ്ടാണ് ഇത്തരം അടിസ്ഥാനരഹിതമായ കിംവദന്തികള് ഉണ്ടാകുന്നത്? ഞാന് കഠിനാധ്വാനം ചെയ്യുകയും വീണ്ടെടുക്കാന് പരമാവധി ശ്രമിക്കുകയുമാണ്. ബോര്ഡര് ഗവാസ്കര് പരമ്പരയില് നിന്ന് ഞാന് പുറത്താണെന്ന് ബിസിസിഐയോ ഞാനോ പറഞ്ഞിട്ടില്ല.
തെറ്റായ ഇത്തരം വാര്ത്തകള് ശ്രദ്ധിക്കുന്നത് അവസാനിപ്പിക്കണമെന്ന് ഞാന് പൊതുജനങ്ങളോട് അഭ്യര്ത്ഥിക്കുന്നു. അനൗദ്യോഗിക ഉറവിടങ്ങളില് നിന്നുള്ള റിപ്പോര്ട്ടുകള് ദയവായി നിര്ത്തുക. അത്തരം വ്യാജ വ്യാജങ്ങള് പ്രചരിപ്പിക്കരുത്- ഷമി എക്സില് കുറിച്ചു.
കണങ്കാലിന് പരിക്കേറ്റതിനെ തുടര്ന്ന് ഷമി ഏറെക്കാലമായി കളിക്കളത്തിന് പുറത്താണ്. 2023 ലെ ഏകദിന ലോകകപ്പില് അവിസ്മരണീയമായ പ്രകടനം നടത്തിയ ഷമി പരിക്കിന് ശസ്ത്രക്രിയയ്ക്ക് വിധേയനായി, അതിനുശേഷം അതില് നിന്ന് സുഖം പ്രാപിച്ചുവരികയാണ്. ഈ വര്ഷം നവംബറില് ഓസ്ട്രേലിയയ്ക്കെതിരായ ബോര്ഡര്-ഗവാസ്കര് ട്രോഫിക്കായി സ്റ്റാര് പേസര് ദേശീയ ഡ്യൂട്ടിയിലേക്ക് മടങ്ങുമെന്ന് പ്രതീക്ഷിക്കുന്നു.