ദക്ഷിണാഫ്രിക്കന് മുന് ഓള്റൗണ്ടര് ലാന്സ് ക്ലൂസ്നറെ സിംബാബ്വെ ക്രിക്കറ്റ് ടീമിന്റെ ബാറ്റിംഗ് കോച്ചായി നിയമിച്ചു. നിലവില് ബാറ്റിംഗ് കോച്ചായിരുന്ന സ്റ്റുവര്ട്ട് മാറ്റ്സികെന്യേരിയെ അസിസ്റ്റന്റ് കോച്ചായി നിലനിര്ത്തി. ഇന്ത്യയുടെ ലാല്ചന്ദ് രാജ്പുത് മുഖ്യപരിശീലകനായി തുടരും.
2016 മുതല് 2018 വരെ ക്ലൂസ്നര് സിംബാബ്വെ ബാറ്റിംഗ് കോച്ചായി പ്രവര്ത്തിച്ചിട്ടുണ്ട്. തുടര്ന്ന് അദ്ദേഹം അഫ്ഗാനിസ്ഥാന് ദേശീയ ടീമിന്റെ മുഖ്യ പരിശീലകനായി പ്രവര്ത്തിച്ചു. 2022 ജനുവരി ആദ്യം ആ സ്ഥാനം രാജിവെക്കുകയായിരുന്നു.
ക്രെയിഗ് ഇര്വിനെ പരിമിത ഓവര് ക്രിക്കറ്റ് ടീമിന്റെ ക്യാപ്റ്റനായി നിയമിച്ചു. ഷോണ് വില്യംസിനെ ടെസ്റ്റ് ടീമിന്റെ ക്യാപ്റ്റനായി നിലനിര്ത്തി. റെഗിസ് ചകാബ്വയെയാണ് മൂന്ന് ഫോര്മാറ്റിലും വൈസ് ക്യാപ്റ്റന്.