ബിസിസിഐയുമായും ഇന്ത്യയുമായും ഉള്ള ക്രിക്കറ്റ് ബന്ധം പാകിസ്ഥാൻ ക്രിക്കറ്റ് ബോർഡ് അവസാനിപ്പിക്കണമെന്ന് മുൻ താരം കമ്രാൻ അക്മൽ ആവശ്യപ്പെട്ടു. അടുത്തിടെ സമാപിച്ച 2025 ഏഷ്യാ കപ്പിൽ ഇന്ത്യൻ ടീം തുടർച്ചയായി മൂന്ന് തവണ പാകിസ്ഥാനെ പരാജയപ്പെടുത്തി.
കളിച്ച മൂന്ന് മത്സരങ്ങളിലും ഇന്ത്യ പാക് താരങ്ങളുമായി ഹസ്താനം നടത്താത്തതും തുടർന്ന് ഫൈനലിൽ വിജയിച്ചതിന് ശേഷം എസിസി, പിസിബി മേധാവി മൊഹ്സിൻ നഖ്വിയിൽ നിന്ന് ട്രോഫി വാങ്ങാൻ വിസമ്മതിക്കുകയും ചെയ്തതിനെ തുടർന്നാണ് കമ്രാൻ ഇന്ത്യയ്ക്കെതിരെ ബഹിഷ്കരണത്തിന് ആഹ്വാനം ചെയ്തത്. തന്റെ അഭിപ്രായം പരിഗണിക്കാൻ മറ്റ് ക്രിക്കറ്റ് ബോർഡുകളോടും അദ്ദേഹം ആവശ്യപ്പെട്ടു.
“പാകിസ്ഥാൻ ക്രിക്കറ്റ് ബോർഡ് ഉടൻ തന്നെ ‘ഇന്ത്യയ്ക്കെതിരെ ഒരിക്കലും കളിക്കില്ല’ എന്ന് പറയണം. ഐസിസി എന്ത് നടപടി സ്വീകരിക്കുമെന്ന് നോക്കാം. ഇനിയും തെളിവായി നിങ്ങൾക്ക് മറ്റെന്താണ് വേണ്ടത്? ഐസിസിയെ നയിക്കുന്ന വ്യക്തിയ്ക്കാണ് ബിസിസിഐയുടെ ചുമതലയുള്ളത് – അദ്ദേഹം [ജയ് ഷാ] എങ്ങനെ എന്തെങ്കിലും നടപടിയെടുക്കും? മറ്റ് ബോർഡുകളും ഇതിനൊപ്പം ഒത്തുചേരണം, ക്രിക്കറ്റിൽ ഇത് കാണാൻ ആഗ്രഹിക്കുന്നില്ലെന്ന് പറയുക. സ്പോർട്സ് ആരുടെയും വീട്ടിൽ കളിക്കുന്നില്ല. മറ്റുള്ളവർ കളിക്കുന്നില്ലെങ്കിൽ, പണം ലഭിക്കാൻ പോകുന്നില്ല,” അക്മൽ പറഞ്ഞു.
“ഇവ എത്രയും വേഗം നിയന്ത്രിക്കാൻ കഴിയുമോ അത്രയും എല്ലാവർക്കും നല്ലതാണ്. പാകിസ്ഥാനും ഇന്ത്യയും ഇല്ലാതെ ഒരു നിഷ്പക്ഷ സംഘടന രൂപീകരിക്കണം, ഓസ്ട്രേലിയ, ദക്ഷിണാഫ്രിക്ക, ന്യൂസിലൻഡ് എന്നിവരുടെ ഒരു കമ്മിറ്റി രൂപീകരിക്കണം, ഈ ടൂർണമെന്റിൽ സംഭവിച്ച എല്ലാ കാര്യങ്ങളിലും എന്ത് നടപടി സ്വീകരിക്കണമെന്ന് അവർ തീരുമാനിക്കട്ടെ. ഈ വിലകുറഞ്ഞ കോമാളിത്തരങ്ങൾ ഇന്ത്യയിൽ നിന്ന് നമ്മൾ കണ്ടുകൊണ്ടിരിക്കും. ഈ ടൂർണമെന്റിൽ അവർ ക്രിക്കറ്റിന് കഴിയുന്നത്ര നാശം വരുത്തിയതായി നമ്മൾ കണ്ടു. പിസിബിയും എസിസി പ്രസിഡന്റും ശരിയായ നിലപാട് സ്വീകരിച്ചു – ട്രോഫി എടുക്കണോ വേണ്ടയോ, അത് പ്രസിഡന്റ് മാത്രമേ നൽകൂ. ഇന്ത്യ ക്രിക്കറ്റ് ലോകത്തിന്റെ തമാശയായി മാറും, ”അദ്ദേഹം കൂട്ടിച്ചേർത്തു.