ചൈനയിൽ നടക്കുന്ന ഏഷ്യൻ ഗെയിംസിനുള്ള ടീമിൽ തന്റെ പേരില്ലാതിരുന്നത് തന്നെ ഞെട്ടിച്ചു എന്ന് പറയുകയാണ് ശിഖർ ധവാൻ. ടീമിനെ നയിക്കാനുള്ള പേരായി എല്ലാവരും വിചാരിച്ചിരുന്നത് ധവാൻ ആകും എന്നായിരുന്നു. എന്നാൽ ആരാധകരെ പോലും ഞെട്ടിച്ച് അദ്ദേഹത്തെ ടീമിൽ പോലും ഉൾപ്പെടുത്തിയില്ല. പകരം ബിസിസിഐ യുവതാരം ഋതുരാജ് ഗെയ്ക്‌വാദ് നായകൻ ആക്കുക ആയിരുന്നു.
“സ്ക്വാഡിൽ എന്റെ പേര് കാണാത്തപ്പോൾ ഞാൻ ഞെട്ടിപ്പോയി. എന്നിരുന്നാലും, സെലക്ടർമാർക്ക് വ്യത്യസ്തമായ ചിന്താ പ്രക്രിയയുണ്ടെന്ന് തോന്നുന്നു. ഋതുരാജിൽ ഞാൻ സന്തോഷവാനാണ്. യുവതാരങ്ങൾ മികച്ച പ്രകടനം നടത്തുമെന്ന് ഞാൻ പ്രതീക്ഷിക്കുന്നു,” അദ്ദേഹം പിടിഐയോട് പറഞ്ഞു.
മറ്റൊരു തിരിച്ചുവരവിന് തനിക്ക് പറ്റുമെന്ന് പറഞ്ഞ താരത്തിന്റെ വാക്കുളാൽ ഇങ്ങനെ:
“ഞാൻ എന്നെത്തന്നെ റെഡിയാക്കും. അതിന് എപ്പോഴും ഒരു അവസരമുണ്ട്. ഞാൻ ഇപ്പോഴും കളി ആസ്വദിക്കുന്നു. ഇതെല്ലാം എന്റെ നിയന്ത്രണത്തിലുള്ള കാര്യങ്ങളാണ്,” അദ്ദേഹം കൂട്ടിച്ചേർത്തു.
ധവാൻ തന്റെ ഭാവിയെ കുറിച്ച് ഇതുവരെ പറഞ്ഞിട്ടില്ല. ഇന്ത്യൻ പ്രീമിയർ ലീഗിൽ പഞ്ചാബ് കിങ്‌സിന്റെ ക്യാപ്റ്റനാണ് താരം. താരം ഇനി ടീമിൽ തിരിച്ചുവരാനുള്ള സാധ്യതകൾ വളരെ കുറവാണെന്നാണ് പൊതുവെയുള്ള വിലയിരുത്തൽ.