ഐപിഎലിൽ ഇപ്പോൾ നടക്കുന്ന മത്സരത്തിൽ തകർപ്പൻ ബാറ്റിംഗ് പ്രകടനം പുറത്തെടുത്ത് വിരാട് കോഹ്ലി. സൺ റൈസേഴ്സിനെതിരെ നടക്കുന്ന മത്സരത്തിൽ 25 പന്തിൽ നിന്നായി 7 ഫോറും 1 സിക്‌സും അടക്കം 43 റൺസാണ് താരം അടിച്ചെടുത്തത്. ഇതോടെ ഗംഭീര തുടക്കമാണ് ആർസിബിക്ക് ലഭിച്ചത്. കൂടാതെ ഓപണർ ഫിൽ സാൾട്ടും 55* റൺസ് നേടി മികച്ച പ്രകടനം നടത്തുകയാണ്.
ഇന്നത്തെ മത്സരത്തിൽ റോയൽ ചലഞ്ചേഴ്‌സ് ബെംഗളുരുവിനു വിജയം അനിവാര്യമാണ്. പോയിന്റ് പട്ടികയിൽ ആദ്യ രണ്ട് സ്ഥാനങ്ങളിൽ നിന്നാൽ മാത്രമേ ടീമിന് ഫൈനൽ പ്രതീക്ഷ നിലനിർത്താൻ സാധിക്കു. ഈ വർഷത്തെ ഐപിഎൽ പ്ലെഓഫിലേക്ക് കരുത്തരായ നാല് ടീമുകളുടെ ഇഞ്ചോടിഞ്ച് പോരാട്ടത്തിനാണ് ആരാധാകർ സാക്ഷിയാകാൻ പോകുന്നത്.
ഇന്നത്തെ മത്സരത്തിൽ രജത് പാട്ടിധാറിന് പകരം വിക്കറ്റ് കീപ്പര്‍ ബാറ്റര്‍ ജിതേഷ് ശര്‍മ്മയാണ് ഇന്നത്തെ മത്സരത്തില്‍ ആര്‍സിബിയെ നയിക്കുന്നത്. കൈവിരലിനേറ്റ പരിക്കിനെ തുടര്‍ന്നാണ് ഇന്നത്തെ മത്സരത്തില്‍ പാട്ടിധാര്‍ ഫീല്‍ഡിനിറങ്ങാത്തത്. ചെന്നൈ സൂപ്പര്‍ കിംഗ്‌സിനെതിരെ നടന്ന മത്സരത്തിലാണ് ആര്‍സിബി നായകന് പരിക്കേറ്റത്.
