ടെസ്റ്റ് ക്രിക്കറ്റിൽ നിന്ന് വിരമിക്കുമെന്ന തീരുമാനം പുനഃപരിശോധിക്കണമെന്ന് മുൻ ക്രിക്കറ്റ് താരം അമ്പാട്ടി റായിഡു, വിരാട് കോഹ്‌ലിയോട് ആവശ്യപ്പെട്ടു. ഇന്ത്യയുടെ വരാനിരിക്കുന്ന ഇംഗ്ലണ്ട് പര്യടനത്തിന് ശേഷം ടെസ്റ്റ് ഫോർമാറ്റിൽ നിന്ന് വിരമിക്കാൻ ആഗ്രഹിക്കുന്നുവെന്ന് വിരാട് കോഹ്ലി ബിസിസിഐയെ അറിയിച്ചതായി റിപ്പോർട്ടുകൾ വരുന്നു. എന്നിരുന്നാലും, ഇംഗ്ലണ്ട് പര്യടനത്തിൽ ഇന്ത്യയ്ക്ക് അദ്ദേഹത്തിന്റെ പരിചയസമ്പത്ത് ആവശ്യമായി വരുമെന്നതിനാൽ തീരുമാനം പുനഃപരിശോധിക്കണമെന്ന് ബിസിസിഐ ഉദ്യോഗസ്ഥരും കോഹ്‌ലിയോട് ആവശ്യപ്പെടുന്നു.
റിപ്പോർട്ടുകളോട് പ്രതികരിച്ചുകൊണ്ട്, ടെസ്റ്റ് ക്രിക്കറ്റിൽ നിന്ന് വിരമിക്കരുതെന്ന് അമ്പാട്ടി തന്റെ എക്സ് അക്കൗണ്ടിൽ ഒരു പോസ്റ്റ് പങ്കിട്ടു. “വിരാട് കോഹ്ലി ദയവായി വിരമിക്കരുത്.. ഇന്ത്യൻ ടീമിന് നിങ്ങളെ എന്നത്തേക്കാളും ആവശ്യമുണ്ട്. നിങ്ങളുടെ ടാങ്കിൽ ഇനിയും ഒരുപാട് കാര്യങ്ങളുണ്ട്. ടീം ഇന്ത്യയ്ക്കുവേണ്ടി പോരാടാൻ നിങ്ങൾ പുറപ്പെടാതെ ടെസ്റ്റ് ക്രിക്കറ്റ് സമാനമാകില്ല. ദയവായി പുനഃപരിശോധിക്കുക,” റായിഡു എഴുതി.
എന്നാൽ താരത്തിന്റെ ഭാഗത്തുനിന്നും ഇതുവരെ ഇതേകുറിച്ച് പ്രതികരണമൊന്നുമുണ്ടായിട്ടില്ല. മുൻപ് കളിയോടുളള തന്റെ അഭിനിവേശം എന്ന് ഇല്ലാതാകുന്നുവോ അന്ന് താൻ കളി മതിയാക്കുമെന്നാണ്‌ കോഹ്ലി പറഞ്ഞിരുന്നത്‌. അല്ലാതെ ഒരു ബാഹ്യ ഘടകത്തിനും തന്നോട് ക്രിക്കറ്റിൽ നിന്നും പിന്മാറാൻ ആവശ്യപ്പെടാനാകില്ലെന്നും കോഹ്ലി പറഞ്ഞു. “ചെയ്യുന്ന കാര്യങ്ങളിൽ നിന്ന് ഒരു അകൽച്ച അനുഭവപ്പെടുന്ന അവസ്ഥയിലാണ് ഞാൻ ഉണർന്നത്, എനിക്ക് ഇത് ചെയ്യാൻ താൽപ്പര്യമില്ലെന്ന് ഞാൻ കരുതി. പക്ഷേ, അത് ഒരു ദുഷ്‌കരമായ ഘട്ടത്തിൽ എന്റെ മേൽ ഉണ്ടായിരുന്ന അമിതമായ സമ്മർദ്ദം മൂലമാണ്. പക്ഷേ, ഇല്ല, ഞാൻ പുറത്തുപോയി ഒരിക്കൽ കൂടി ശ്രമിക്കും എന്ന് ഇപ്പോഴും എനിക്ക് സ്വയം പറയാൻ കഴിയും,.” 2018ൽ കോഹ്ലി പറഞ്ഞ വാക്കുകളാണിവ.
“ഒരിക്കൽ കൂടി ശ്രമിക്കാനായി നിങ്ങളുടെ മനസ്സ് അനുവദിക്കാത്ത ദിവസം, നിങ്ങൾക്ക് ഒന്നും ചെയ്യാൻ കഴിയില്ല, ആർക്കും നിങ്ങളെ ബോധ്യപ്പെടുത്താനും കഴിയില്ല. ഒരു സാധ്യതയുമില്ല. പ്രചോദനം വിജയിക്കുക എന്നതാണ്. എന്റെ അഭിനിവേശം നഷ്ടപ്പെടുന്ന ദിവസം, ഞാൻ കളിക്കുന്നത് നിർത്തും. എന്റെ ശരീരത്തിന് താങ്ങാവുന്നതിലും കൂടുതൽ ഞാൻ ഒരിക്കലും എന്നെത്തന്നെ വലിച്ചിഴക്കില്ല,’ കോഹ്ലി കൂട്ടിച്ചേർത്തു.