മുൻ ദക്ഷിണാഫ്രിക്കൻ ഫാസ്റ്റ് ബൗളർ ഡെയ്ൽ സ്റ്റെയ്ൻ അടുത്തിടെ പാകിസ്ഥാൻ മുൻ ഫാസ്റ്റ് ബൗളർ ഷോയിബ് അക്തറെ ചരിത്രത്തിലെ ഏറ്റവും മികച്ച യോർക്കർ എറിയുന്ന ബോളർ ആയി തിരഞ്ഞെടുത്തു. ശ്രീലങ്കൻ ഇതിഹാസം ലസിത് മലിംഗ, മുൻ വെസ്റ്റ് ഇൻഡീസ് പേസർ ഡ്വെയ്ൻ ബ്രാവോ, ഇന്ത്യയുടെ പേസ് ബൗളിംഗ് കുന്തമുനയായ ജസ്പ്രീത് ബുംറ എന്നിവരെ അവഗണിച്ചാണ് ഡെയ്ൽ സ്റ്റെയ്ൻ തൻ്റെ തിരഞ്ഞെടുപ്പ് നടത്തിയത്.
ക്രിക്കറ്റ് കളിയിലെ ഒരു ഫാസ്റ്റ് ബൗളർക്ക് ഏറ്റവും ഫലപ്രദമായ ഡെലിവറുകളിൽ ഒന്നാണ് യോർക്കർ. കൃത്യമായി എറിഞ്ഞാൽ ഏറ്റവും കൂടുതൽ ഇമ്പാക്ട് ഉണ്ടാക്കുന്നതും മറിച്ച് പാളി പോയാൽ യദേഷ്ടം റൺ സ്കോർ ചെയ്യാൻ ഇത്തരം പന്തുകൾ ബാറ്റർമാരെ അനുവദിക്കുകയും ചെയ്യും. അവസാന ഓവറുകളിലാണ് മിടുക്കന്മാരായ ബൗളർമാർ ഇത് കൂടുതലായി ഉപയോഗിക്കുന്നത്
കൃത്യമായ യോർക്കറുകർ എറിഞ്ഞ് പേരുകേട്ട താരമാണ് ലസിത് മലിംഗ. യോർക്കറുകൾ ഉപയോഗിച്ച് വിക്കറ്റ് വീഴ്ത്താനുള്ള കഴിവ് കൊണ്ട് മലിംഗ പല കളികൾ ശ്രീലങ്കയ്ക്ക് അനുകൂലമാക്കി. 2007 ലോകകപ്പിൽ ദക്ഷിണാഫ്രിക്കയ്‌ക്കെതിരെ നാല് പന്തിൽ നാല് വിക്കറ്റ് വീഴ്ത്തിയപ്പോൾ അത് എല്ലാം അത്ര മികച്ച പന്തുകൾ ആയിരുന്നു.
അടുത്തിടെ മുൻ ദക്ഷിണാഫ്രിക്കൻ താരത്തോട് ഏറ്റവും മികച്ച രീതിയിൽ യോർക്കർ എറിയുന്ന ബോളർ ആരാണ് എന്ന് ചോദിച്ചിരുന്നു. അതിന് അദ്ദേഹം പറഞ്ഞ മറുപടി ഇങ്ങനെ:” 1999 ലോകകപ്പിലെ അക്തറാണ് ഏറ്റവും മികച്ച രീതിയിൽ യോർക്കർ എറിഞ്ഞത്.” സ്റ്റെയ്ൻ പറഞ്ഞു.
