ലോകകപ്പ് പോലെ വലിയൊരു ടൂർണമെന്റിന് തയ്യാറെടുക്കുമ്പോൾ വിരാട് കോഹ്‌ലിക്ക് വിശ്രമ ദിനമില്ല. അന്താരാഷ്ട്ര ക്രിക്കറ്റിൽ നിന്ന് നീണ്ട ഇടവേളയ്ക്ക് ശേഷം ഒരു മാസം മുമ്പാണ് കോലി ഇന്ത്യൻ ടീമിൽ തിരിച്ചെത്തിയത്. ആ കാലയളവിൽ താൻ “ബാറ്റ് എടുത്തിട്ടില്ല” എന്ന് അദ്ദേഹം സമ്മതിച്ചു. ഏഷ്യാ കപ്പിൽ അഫ്ഗാനിസ്ഥാനെതിരെ അവിശ്വസനീയമായ 122 റൺസ് നേടി മൂന്ന് വർഷത്തെ സെഞ്ച്വറി വരൾച്ച അവസാനിപ്പിച്ച് മുൻ ഇന്ത്യൻ ക്യാപ്റ്റൻ തന്റെ ഫോമിൽ തിരിച്ചെത്തുകയും ചെയ്തു.
അതിനുശേഷം മികച്ച ഫോമിലാണ് താരം. ഒരുപാട് മികച്ച ഇന്നിങ്‌സുകൾ താരം കളിച്ചു. കൂടുതൽ സമയം നെറ്റ്സിൽ ചിലവഴിച്ച കോഹ്ലി ഓസ്‌ട്രേലിയക്ക് എതിരെ ഇന്നലെ നടന്ന മത്സരശേഷവും നെറ്റ്സിലെ പരിശീലനം തുടർന്നു.
ഇന്നലെ നടന്ന മത്സരത്തിൽ 19 റൺസെടുത്ത കോഹ്ലി ഒരു ഷോട്ട് ബോളിലാണ് പുറത്തായത് എന്നത് ശ്രദ്ധിക്കേണ്ടതാണ്. മത്സരം കഴിഞ്ഞ് നിമിഷങ്ങൾക്കകം, കോഹ്ലി ഗബ്ബയിലെ നെറ്റ്സിൽ പാകിസ്ഥാൻ ടീമിനൊപ്പം ചേർന്നു, അവിടെ അദ്ദേഹം 40 മിനിറ്റ് നീണ്ട പരിശീലന സെഷനിൽ ഏർപ്പെട്ടു.
കൂടുതലും ഷോർട് ബോളുകളാണ് താരം ഇന്നലെ നേരിട്ടത്. അപ്പുറത്തെ നെറ്റ്സിൽ ബാബർ അസം, മുഹമ്മദ് റിസ്‌വാൻ എന്നിവരും പരിശീലനം നടത്തുന്നുണ്ടായിരുന്നു എന്നത് ശ്രദ്ധിക്കേണ്ടതാണ്. എന്തായാലും തന്റെ കഴിഞ്ഞ മത്സരത്തിലെ പിഴവ് എന്താണോ അതിൽ പരിഹാരം കാണാൻ ശ്രമിക്കുന്ന കോഹ്‌ലിയുടെ ആർജവം വൈറലാണ്.