2023ലെ ലോകകപ്പ് ഇംഗ്ലണ്ട് ടീമിന് ഒട്ടും ഗുണകരമായിരുന്നില്ല. ടീമിന്റെ അവസ്ഥ വളരെ മോശമായിരുന്നു. സെമി ഫൈനലില്‍ എത്താനായില്ല എന്നുതുമാത്രമല്ല, മോശം കളി കാരണം 2025 ലെ ചാമ്പ്യന്‍സ് ട്രോഫിക്ക് യോഗ്യത നേടാനുള്ള അവരുടെ സാധ്യതയും പ്രശ്‌നത്തിലായി. ഈ പ്രതികൂല സാഹചര്യത്തില്‍ ഇന്ത്യന്‍ മുന്‍ പരിശീലകനായ രവി ശാസ്ത്രിയ്ക്ക് മുന്നില്‍ ഒരു ഓഫര്‍ വെച്ചിരിക്കുകയാണ് ഇംഗ്ലണ്ട് മുന്‍ നായകന്‍ ഓയിന്‍ മോര്‍ഗന്‍.
രവി ശാസ്ത്രി, ഇംഗ്ലണ്ടിന്റെ പരിശീലകനാകുമോ? എന്നാണ് മോര്‍ഗന്‍ ചോദിച്ചിരിക്കുന്നത്. 2023 ലോകകപ്പില്‍ ഇംഗ്ലണ്ടും നെതര്‍ലന്‍ഡും തമ്മില്‍ നടന്ന മത്സരത്തിലാണ് ഈ ചോദ്യം മോര്‍ഗന്‍ ചോദിച്ചത്. ഇംഗ്ലണ്ട് ടീമിനെ പരിശീലിപ്പിക്കുന്നതിനെക്കുറിച്ച് എന്താണ് ചിന്തിക്കുന്നത്? ഇതിന് വളരെ രസകരമായ മറുപടിയാണ് രവി ശാസ്ത്രി നല്‍കിയത്.
ഹിന്ദി പഠിപ്പിക്കാന്‍ വരുമെന്ന് തമാശ സ്വരത്തില്‍ രവി ശാസ്ത്രി ആദ്യം ഹിന്ദിയില്‍ പറഞ്ഞു. തുടര്‍ന്ന് അദ്ദേഹം ഇയോന്‍ മോര്‍ഗനോട് ഇംഗ്ലീഷില്‍ വിശദീകരിച്ചു. ഇംഗ്ലണ്ട് ടീമിലെത്തിയ ശേഷം അവരെ ഹിന്ദി പഠിപ്പിക്കുമെന്നും ക്രിക്കറ്റിനെ കുറിച്ചുള്ള ടിപ്പുകള്‍ നല്‍കുമെന്നും അദ്ദേഹം തമാശരൂപേണ പറഞ്ഞു.
ഈ സാഹചര്യത്തില്‍ വൈറ്റ് ബോള്‍ ക്രിക്കറ്റില്‍ ഇംഗ്ലണ്ട് ഒരു പുതിയ പരിശീലകനെ തേടുന്നു എന്ന ചര്‍ച്ച തലപൊക്കിയിരിക്കുകയാണ്. അങ്ങനെയല്ലെങ്കില്‍ പിന്നെ എന്തിനാണ് മോര്‍ഗന്‍ ശാസ്ത്രിയോട് ആ ചോദ്യം ചോദിച്ചതെന്നാണ് ആരാധകര്‍ ചോദിക്കുന്നത്.
