ഇന്ത്യ-പാകിസ്ഥാന് സംഘര്ഷം രൂക്ഷമായതിനെ തുടര്ന്ന് ഐപിഎല് മത്സരങ്ങള് അനിശ്ചിത കാലത്തേക്ക് നിര്ത്തിവച്ച് ബിസിസിഐ. വാര്ത്ത ഏജന്സിയായ പിടിഐ ആണ് ബിസിസിഐ വൃത്തങ്ങളെ ഉദ്ധരിച്ച് ഇക്കാര്യം റിപ്പോര്ട്ട് ചെയ്തിരിക്കുന്നത്. ‘രാജ്യം യുദ്ധത്തിലായിരിക്കുമ്പോള് ക്രിക്കറ്റ് തുടരുന്നത് നല്ലതായി തോന്നുന്നില്ല,’ മെയ് 25 ന് കൊല്ക്കത്തയില് അവസാനിക്കാനിരുന്ന ലീഗ് താല്ക്കാലികമായി നിര്ത്തിവച്ചതായി ബിസിസിഎ ഉദ്യോഗസ്ഥന് പ്രസ് ട്രസ്റ്റ് ഓഫ് ഇന്ത്യയോട് പറഞ്ഞു.
ജമ്മു, പത്താന്കോട്ട് എന്നിവിടങ്ങളില് വ്യോമാക്രമണ മുന്നറിയിപ്പിനെത്തുടര്ന്ന് ധരംശാലയില് ഇന്നലെ നടക്കേണ്ടിയിരുന്ന പഞ്ചാബ് കിംഗ്സ്- ഡല്ഹി ക്യാപിറ്റല്സ് മത്സരം പാതിവഴിയില് റദ്ദാക്കിയിരുന്നു. സംഘര്ഷം തുടരുന്ന സാഹചര്യത്തില് ടൂര്ണമെന്റിന്റെ ഭാവി സംബന്ധിച്ച് നിര്ണായക തീരുമാനം ഉടന് ഉണ്ടായേക്കുമെന്ന് നേരത്തെ റിപ്പോര്ട്ടുകളുണ്ടായിരുന്നു.
ജമ്മുവിലും പത്താന്കോട്ടിലും അപായ സൈറണ് മുഴങ്ങിയതിന് പിന്നാലെയാണ് ഇന്നലെ ധരംശാലയിലെ സ്റ്റേഡിയത്തില് വൈദ്യൂതി ബന്ധം വിച്ഛേദിച്ചത്. ഇതേതുടര്ന്ന് സുരക്ഷ മുന്നിര്ത്തി മത്സരം ഉപേക്ഷിക്കാന് ഐപിഎല് അധികൃതര് തീരുമാനിക്കുകയായിരുന്നു.