ഐപിഎലിൽ ഇന്നലെ നടന്ന മത്സരത്തിൽ ആവേശകരമായ പോരാട്ടത്തിനായിരുന്നു ആരാധകർ സാക്ഷിയായത്. ലക്‌നൗ സൂപ്പർ ജയന്റസിനെതിരെ ഡൽഹി ക്യാപിറ്റൽസ് ഒരു വിക്കറ്റിന് വിജയിച്ചു. തുടക്കം മുതൽ വിജയിക്കുമെന്ന ഉറപ്പിച്ചത് ലക്‌നൗ സൂപ്പർ ജയന്റ്‌സായിരുന്നു. എന്നാൽ അവസാന നിമിഷം ഡൽഹി താരം അശുതോഷ് ശർമ്മ നേടിയ തകർപ്പൻ അർദ്ധ സെഞ്ചുറിയിൽ ഡൽഹി വിജയിക്കുകയായിരുന്നു.
ഇന്നലെ നടന്ന മത്സരത്തിൽ ലക്‌നൗവിൽ ഏറ്റവും മോശമായ പ്രകടനം കാഴ്ച വെച്ച താരം അത് ക്യാപ്റ്റൻ റിഷബ് പന്ത് തന്നെയായിരുന്നു. ബാറ്റിംഗിൽ താരം 6 പന്തുകളിൽ നിന്നായി ഗോൾഡൻ ഡക്കായി. കൂടാതെ അവസാന നിമിഷം മോഹിത് ശർമ്മയുടെ നിർണായകമായ സ്റ്റമ്പിങ്ങും താരം പാഴാക്കി. ഇതോടെ ഡൽഹിയുടെ വിജയവാതിൽ തുറന്നു. ഇന്നലത്തെ താരത്തിന്റെ പ്രകടനത്തിന് കുറിച്ച് വിമർശിച്ച് രംഗത്ത് എത്തിയിരിക്കുകയാണ് മുൻ ഇന്ത്യൻ താരമായ അമ്പാട്ടി റായിഡു.
അമ്പാട്ടി റായിഡു പറയുന്നത് ഇങ്ങനെ:
” സ്പിൻ ബോളർമാർക്കെതിരെ അവന്റെ ബാറ്റിംഗ് പ്രകടനത്തെ കുറിച്ച് നമുക്ക് കാര്യമായിട്ട് തന്നെ സംസാരിക്കണം. റിഷബ് പന്ത് സിക്സ് അടിക്കാനാണ് എപ്പോഴും ശ്രമിക്കുന്നത്. എന്തിനാണ് ഇത്രയും ധൃതി. ഫോർ അടിച്ച് കളിച്ചോ അല്ലെങ്കിൽ ഗ്യാപ് ഷോട്ടുകൾ കളിച്ചോ ആദ്യം നിലയുറപ്പിക്കുകയല്ലേ വേണ്ടത്. ഇങ്ങനെ ചെയ്താൽ മാത്രമേ ഒരു ബാറ്റ്സ്മാന്റെ ക്വാളിറ്റി കൂടുകയുള്ളു. പ്രേത്യേകിച്ച് മിഡിൽ ഓവറുകളിൽ” അമ്പാട്ടി റായിഡു പറഞ്ഞു.