ഇന്ത്യന് പ്രീമിയര് ലീഗിന്റെ 18-ാം പതിപ്പിനായി ഏറെ പ്രതീക്ഷയോടെ കാത്തിരിക്കുന്ന മെഗാ ലേലത്തെക്കുറിച്ചുള്ള വിവരങ്ങള് പുറത്ത്. നവംബര് 24, 25 തീയതികളില് സൗദി അറേബ്യയിലെ ജിദ്ദയില് വെച്ച് മെഗാ ലേലം നടക്കും. നവംബര് 4 ന് രജിസ്ട്രേഷന് ഔദ്യോഗികമായി അവസാനിച്ചതിന് ശേഷം 1574 കളിക്കാര് ഇവന്റിനായി സൈന് അപ്പ് ചെയ്തു. ഇതില് 1165 പേര് ഇന്ത്യന് താരങ്ങളും 409 പേര് വിദേശ താരങ്ങളുമാണ്.
ഇതില് തന്നെ ക്യാപ്പ്ഡ് കളിക്കാര് 320 ഉം, അണ്ക്യാപ്പ്ഡ് കളിക്കാര് 1,224 ഉം അസോസിയേറ്റ് നേഷന്സില് നിന്നുള്ള കളിക്കാര് 30 പേരുമാണ്. 320 ക്യാപ്പ്ഡ് തരങ്ങളില് 48 പേര് ഇന്ത്യക്കാരും ബാക്കി 272 പേര് വിദേശ താരങ്ങളുമാണ്.
അണ്ക്യാപ്പ്ഡ് കളിക്കാരില് മുന് ഐപിഎല് സീസണുകളുടെ ഭാഗമായിരുന്ന ഇന്ത്യക്കാര് 152 പേരുണ്ട്. 3 കളിക്കാര് മുന് ഐപിഎല് സീസണുകളുടെ ഭാഗമായ അന്താരാഷ്ട്ര താരങ്ങളാണ്. 104 കളിക്കാര് അണ്കാപ്പ്ഡ് ഇന്റര്നാഷണല് താരങ്ങളാണ്. 965 പേര് ഇതുവരെ ഐപിഎല് കളിക്കാത്ത ഇന്ത്യന് താരങ്ങളാണ്.
409 വിദേശ താരങ്ങളുടെ രാജ്യാടിസ്ഥാനത്തിലുള്ള എണ്ണം
ദക്ഷിണാഫ്രിക്ക 91
ഓസ്ട്രേലിയ 76
ഇംഗ്ലണ്ട് 52
ന്യൂസിലന്ഡ് 39
വെസ്റ്റ് ഇന്ഡീസ് 33
ശ്രീലങ്ക 29
അഫ്ഗാനിസ്ഥാന് 29
ബംഗ്ലാദേശ് 13
യുഎസ്എ 10
അയര്ലന്ഡ് 9
സിംബാബ്വെ 8
കാനഡ 4
സ്കോട്ട്ലന്ഡ് 2
യുഎഇ 1
ഇറ്റലി 1