വിരാട് കോഹ്‌ലി ഒരുപക്ഷേ എക്കാലത്തെയും ഏറ്റവും ജനപ്രിയനായ ഇന്ത്യൻ ക്രിക്കറ്റ് കളിക്കാരനാണ് എന്ന് യാതൊരു സംശയവും കൂടാതെ പറയാൻ സാധിക്കും. ലോകമെമ്പാടുമുള്ള ദശലക്ഷക്കണക്കിന് ആളുകൾ അദ്ദേഹത്തെ ആരാധിക്കുന്നു. ആധുനിക ക്രിക്കറ്റ് യുഗത്തിലെ ഏറ്റവും മികച്ച ബാറ്റ്‌സ്മാനായി എല്ലായിടത്തുനിന്നുമുള്ള കളിക്കാർ അദ്ദേഹത്തെ പ്രശംസിക്കുന്നതിനാൽ അദ്ദേഹത്തിന് ഇന്ത്യയിൽ മാത്രമല്ല, ലോകമെമ്പാടും ആരാധകരുണ്ട്.
വിരാട് കോഹ്‌ലിയുടെ അത്തരമൊരു ആരാധകനാണ് അഫ്ഗാനിസ്ഥാന്റെയും ഗുജറാത്ത് ടൈറ്റൻസിന്റെയും ഓൾറൗണ്ടർ റാഷിദ് ഖാൻ. വിരാടിനോടുള്ള തന്റെ ആരാധന പലപ്പോഴും പറഞ്ഞിട്ടുള്ള അഫ്ഗാൻ താരം ജിടിയുടെ എലിമിനേറ്റർ മത്സരത്തിന് മുന്നോടിയായി വൈറലായ ഒരു വീഡിയോയിൽ, തന്റെ പ്രിയപ്പെട്ട ബാറ്റ്സ്മാൻ ആരാണെന്ന് ഉള്ള ചോദ്യം നേരിട്ടു. അഫ്ഗാൻ ഇതിഹാസത്തിന് ലളിതമായ ഉത്തരം ഇങ്ങനെയായിരിന്നു- “വിരാട് ഭായ്.”
കോഹ്‌ലിയെ കൂടാതെ, ജസ്പ്രീത് ബുംറയെ തന്റെ പ്രിയപ്പെട്ട ബൗളറായി റാഷിദ് തിരഞ്ഞെടുത്തു, കൂടാതെ ഹാർദിക് പാണ്ഡ്യയെ മികച്ച ഓൾറൗണ്ടറായിട്ടും തിരഞ്ഞെടുത്തു. എന്തായാലും ഇഷ്ട താരങ്ങൾ മൂന്ന് പേരും ഇന്ത്യക്കാർ ആണെന്നുള്ളത് ഇന്ത്യൻ ആരാധകർക്കും സന്തോഷം നൽകുന്ന കാര്യമായി .
അതേസമയം റാഷിദ് ഖാൻ ഭാഗമായ ഗുജറാത്ത് ടൈറ്റൻസ് ഇന്ന് നടക്കുന്ന എലിമിനേറ്റർ പോരിൽ മുംബൈയെ നേരിടും. തോൽക്കുന്ന ടീം പുറത്താകുമ്പോൾ ജയിക്കുന്നവർ ക്വാളിഫയർ രണ്ടിൽ പഞ്ചാബിനെ നേരിടും.
