ഇപ്പോൾ നടക്കാൻ പോകുന്ന ഐപിഎലിൽ തങ്ങളുടെ ആറാം കിരീടം ലക്ഷ്യമിട്ടാണ് ചെന്നൈ സൂപ്പർ കിങ്‌സ് ഇറങ്ങുന്നത്. എം എസ് ധോണിക്ക് ശേഷം തന്റെ ക്യാപ്റ്റൻ സ്ഥാനം കൈമാറിയിരിക്കുന്നത് ഋതുരാജ് ഗൈക്വാദിനാണ്. കഴിഞ്ഞ വർഷം ലീഗ് സ്റ്റേജിൽ തന്നെ പുറത്തായതിന്റെ ക്ഷീണം ഇത്തവണ ചെന്നൈ സൂപ്പർ കിങ്‌സ് മാറ്റും എന്ന പ്രതീക്ഷയിലാണ് ക്രിക്കറ്റ് ആരാധകർ.
ഈ വർഷത്തെ ഐപിഎൽ ആയിരിക്കും എം എസ് ധോണിയുടെ അവസാന ഐപിഎൽ എന്ന് റിപ്പോട്ടുകൾ വന്നിരുന്നു. ഇത്തവണത്തെ കപ്പ് ജേതാക്കളായി ധോണിക്ക് മികൊച്ചൊരു വിടവാങ്ങൽ സീസൺ നൽകാനാണ് ടീമിന്റെ ശ്രമം. ഋതുരാജ് അദ്ദേഹത്തിന്റെ ലെഗസിക്ക് കോട്ടം തട്ടാതെ ടീമിനെ കൊണ്ട് പോകണം എന്ന് പറഞ്ഞിരിക്കുകയാണ് ആകാശ് ചോപ്ര.
ആകാശ് ചോപ്ര പറയുന്നത് ഇങ്ങനെ:
” മികച്ച ഒരു ഫ്രാഞ്ചൈസിന് നേതൃത്വം നൽകാൻ ഋതുരാജിന് ഗംഭീരമായ ഒരു അവസരമാണ് ലഭിച്ചിരിക്കുന്നത്. ധോണി ഗൈക്വാദിന് തന്റെ ക്യാപ്റ്റൻസി നൽകിയപ്പോൾ ആരാധകരും സഹതാരങ്ങളും ഋതുരാജിനെ ഇരു കൈയും നീട്ടിയാണ് സ്വീകരിച്ചത്. അതൊരു മികച്ച അംഗീകാരമാണ്. ധോണിയുടെ ലെഗസി മുൻപിലേക്ക് ഗൈക്വാദ് കൊണ്ട് പോകണം. അത് കൊണ്ട് തന്നെ അദ്ദേഹത്തിന് പ്രെഷർ കാണും. എന്നാൽ അവർക്ക് അതിൽ യാതൊരു കുഴപ്പവും കാണില്ല, അവന്റെ ആദ്യ സീസണിൽ ചെന്നൈ സെമിയിലേക്ക് പ്രവേശിച്ചിരുന്നില്ല” ആകാശ് ചോപ്ര പറഞ്ഞു.
ഐപിഎലിലെ ആദ്യ മത്സരം മാർച്ച് 22 മുതലാണ് ആരംഭിക്കുന്നത്. മുൻ വർഷത്തെ ചാമ്പ്യന്മാരായ കൊൽക്കത്ത നൈറ്റ് റൈഡേഴ്സും, റോയൽ ചലഞ്ചേഴ്‌സ് ബെംഗളൂരുവുമാണ് ഏറ്റുമുട്ടുന്നത്. മുംബൈയുടെ ആദ്യ മത്സരം 23 ന് ചെന്നൈ സൂപ്പർ കിങ്സിനെതിരെയാണ്.