ഐപിഎല്ലിൽ രാജസ്ഥാൻ റോയൽസിനെ കെകെആർ ഇന്നലെ നടന്ന മത്സരത്തിൽ സുനിൽ നരേയ്ന് ഒരു റെക്കോഡ്. 1435 ദിവസങ്ങളുടെ ഇടവേളയിൽ സുനിൽ ഒരു ഐപിഎൽ മത്സരം നഷ്ടമാക്കിയിരുന്നു. 2021ൽ റോയൽ ചലഞ്ചേഴ്സ് ബെംഗളൂരുവിനെതിരെയുള്ള മത്സരം നഷ്ടമായ സുനിൽ ഈ നാളുകളിൽ എല്ലാ കെകെആർ മത്സരങ്ങളുടെയും ഭാഗമായിരുന്നു. എങ്കിലും ഇന്നലെ നടന്ന മത്സരം താരത്തിന് നഷ്ടമായി.
സുഖം ഇല്ലാത്തതിനാൽ ആണ് താരത്തിന് ഇലവനിൽ സ്ഥാനം കിട്ടാതെ പോയത്. എന്തായാലും നരേയ്ൻ ഇല്ലെങ്കിലും കൊൽക്കത്തയ്ക്ക് അത് ഒരു നഷ്ടം ഉണ്ടായില്ല. താരത്തിന് പകരം ടീമിലെത്തിയ മോയിൻ അലി മികച്ച രീതിയിൽ പന്തെറിയുകയും ടീമിന്റെ ജയത്തിൽ നിർണായക പങ്ക് വഹിക്കുകയും ചെയ്തു.
എന്തായാലും 2025 ലെ ഇന്ത്യൻ പ്രീമിയർ ലീഗിൽ വിജയവഴിയിലേക്ക് തിരിച്ചെത്താൻ രാജസ്ഥാൻ റോയൽസിന് വളരെയധികം പരിശ്രമിക്കേണ്ടിവരും എന്ന് കാണിക്കുന്നതായിരുന്നു സീസണിലെ അവരുടെ രണ്ടാം മത്സരം. ആദ്യ മത്സരത്തിൽ സൺറൈസേഴ്സ് ഹൈദരാബാദിനോട് പരാജയപ്പെട്ട ശേഷം, 2008 ലെ ചാമ്പ്യന്മാരായ രാജസ്ഥാൻ റോയൽസിനെ ഇന്നലെ നടന്ന ഏകപക്ഷീയമായ മത്സരത്തിൽ കൊൽക്കത്ത നൈറ്റ് റൈഡേഴ്സ് പരാജയപ്പെടുത്തി. ടോസ് നഷ്ടപ്പെട്ട് ആദ്യം ബാറ്റ് ചെയ്ത രാജസ്ഥാന് നേടാനായത് 151 റൺ മാത്രമായിരുന്നു.
കെകെആറിന് ആകട്ടെ ബോളർമാർ കാര്യങ്ങൾ വൃത്തിയായി ചെയ്തതിന് പിന്നാലെ ബാറ്റർമാരും അവസരത്തിനൊത്ത് ഉയർന്നപ്പോൾ ജയം എളുപ്പമായി. 17.3 ഓവറിൽ എട്ട് വിക്കറ്റുകൾ ശേഷിക്കെ ഫ്രാഞ്ചൈസി വിജയത്തിലെത്തി. വരുൺ ചക്രവർത്തിയും മോയിൻ അലിയും രണ്ട് വിക്കറ്റുകൾ വീതം വീഴ്ത്തിയപ്പോൾ ക്വിന്റൺ ഡി കോക്ക് 97 റൺസ് നേടി പുറത്താകാതെ നിന്നു.