ഐപിഎല്ലിന്റെ 17ാമത് സീസണ് അടുത്തയാഴ്ച ആരംഭിക്കാനിരിക്കെ വിജയികളെ പ്രവചിച്ച് ഇന്ത്യയുടെ മുന് ഫാസ്റ്റ് ബോളര് പ്രവീണ് കുമാര്. ഇതു വരെ ഐപിഎല്ലില് ചാമ്പ്യന്മാരാവാത്ത ആര്സിബിയാണ് ഇത്തവണ ജേതാക്കളാവുകയെന്നാണ് പ്രവീണിന്റെ പ്രവചനം.
ഇത്തവണ ആര്സിബി കിരീടമണിയും. എന്തുകൊണ്ടാണ് ആര്സിബിയെ ഞാന് തിരഞ്ഞെടുത്തതെന്നു മാത്രം ചോദിക്കരുത്. അതു പിന്നീടൊരിക്കല് പറയാം. ആര്സിബിയെ സംബന്ധിച്ച് ഇത്തവണ നല്ല കാര്യങ്ങളായിരിക്കും സംഭവിക്കുക. ഇപ്പോള് വൈകുന്നേരമാണ്, സമയം ഏഴു മണിയോട് അടുക്കുന്നു. എന്റെ വായില് നിന്നും ആര്സിബിയുടെ പേര് പെട്ടെന്നു വരികയും ചെയ്തു.
എന്തു സംഭവിക്കുമെന്നു നമുക്കു നോക്കാം. ഈ സീസണില് ആര്സിബി കിരീടം നേടുമെന്നു എന്റെ വായില് നിന്നും അവിചാരിതമായി വന്നു പോയതാണ്. ഞാന് ഈ തരത്തില് പറയുന്ന കാര്യങ്ങള് ചിലപ്പോള് സംഭവിക്കാറുമുണ്ട്- അദ്ദേഹം വ്യക്തമാക്കി.
2024 ഐപിഎല് സീസണ് മാര്ച്ച് 22 ന് ആരംഭിക്കും. നിലവിലെ ചാമ്പ്യന്മാരായ ചെന്നൈ സൂപ്പര് കിംഗ്സും റോയല് ചലഞ്ചേഴ്സ് ബാംഗ്ലൂരും തമ്മിലാണ് ഉദ്ഘാടന മത്സരം. എം ചിദംബരം സ്റ്റേഡിയമാണ് മത്സരത്തിന് വേദിയാകുന്നത്.