ഐപിഎല് 17ാം സീസണിനായി തയ്യാറെക്കുന്ന രാജസ്ഥാന് റോയല്സിന് വിജയമന്ത്രമോതി ന്യൂസിലാന്ഡിന്റെ ഇതിഹാസ ഫാസ്റ്റ് ബോളര് ഷെയ്ന് ബോണ്ട്. ഷെയ്ന് ബോണ്ടാണ് ഈ സീസണില് റോയല്സിന്റെ ബോളിംഗ് പരിശീലകന്. കഴിഞ്ഞ സീസണ് വരെ മുംബൈ ഇന്ത്യന്സിന്റെ ഭാഗമായിരുന്ന അദ്ദേഹം മലിംഗയുടെ തിരിച്ചുവരവോടെ രാജസ്ഥാനിലേക്ക് കൂടുമാറുകയായിരുന്നു.
ഇവിടെ മുതല് ഈ സീസണിന്റെ അവസാനം വരെ നിങ്ങളെ ആരോഗ്യത്തോടെ കൊണ്ടു പോവുകയെന്നതാണ് ആദ്യത്തെ കാര്യം. അതുകൊണ്ടു തന്നെ എന്നെ സംബന്ധിച്ച് ഒരു വലിയ കാര്യം നിങ്ങളെ നല്ല രീതിയില് നോക്കുകയെന്നതാണ്. ഓരോ ദിവസവും വരുമ്പോഴും നിങ്ങള്ക്കു കാര്യങ്ങളെക്കുറിച്ച് വ്യക്തത ആവശ്യമാണ്.
എങ്ങനെയാവണം ബോള് ചെയ്യേണ്ടത് എന്നതിനെക്കുറിച്ച് കൃത്യമായ ഒരു ധാരണ കൂടിയേ തീരൂ. ഇതിനു വേണ്ടി ഒരു പ്ലാന് ആവശ്യമാണ്. നിങ്ങള്ക്കു ഞാനൊരു പ്ലാന് നല്കാം, നിങ്ങള് എല്ലാ ദിവസവും അതിനു വേണ്ടി ശ്രമിക്കുകയും ശരിയായ മനോഭാവം കാണിക്കുകയും വേണം- ബോണ്ട് ടീമിനോടു ആവശ്യപ്പെട്ടു.
ഐപിഎല് 2024 ന്റെ ആദ്യ പാദം മാര്ച്ച് 22 ന് ആരംഭിക്കും. നിലവിലെ ചാമ്പ്യന്മാരായ ചെന്നൈ സൂപ്പര് കിംഗ്സ് റോയല് ചലഞ്ചേഴ്സ് ബാംഗ്ലൂരിനെ നേരിടും. ലഖ്നൗവിനെതിരെ മാര്ച്ച് 24നാണ് രാജസ്ഥാന്റെ ആദ്യ മത്സരം.