രാജസ്ഥാന് റോയല്സിനെതിരെ കൊല്ക്കത്ത നൈറ്റ് റൈഡേഴ്സിന് ജയിക്കേണ്ടിയിരുന്ന മത്സരത്തില് യശസ്വി ജയ്സ്വാളിന്റെ തകര്പ്പന് ബാറ്റിംഗിന്റെ പിന്ബലത്തില് കനത്ത പരാജയം രുചിക്കേണ്ടി വന്നു. സന്ദര്ശകര് 13.1 ഓവറില് 150 റണ്സ് വിജയലക്ഷ്യം പിന്തുടര്ന്നപ്പോള് ആതിഥേയര് സന്ദര്ശകരോട് 9 വിക്കറ്റിന്റെ ദയനീയമായ തോല്വി ഏറ്റുവാങ്ങി.
ക്ഷമയോടെ ബാറ്റ് ചെയ്ത് 42 പന്തില് 57 റണ്സെടുത്ത വെങ്കിടേഷ് അയ്യരായിരുന്നു കെകെആറിന് ആകെ ആശ്വസിക്കാനുള്ള വകനല്കിയത്. ഒരു ഘട്ടത്തില് 29/2 എന്ന നിലയിലായിരുന്ന കെകെആറിന് ഒരു കൂട്ടുകെട്ട് അനിവാര്യമായിരുന്നു. അപ്പോഴാണ് അയ്യരും നിതീഷ് റാണയും ചേര്ന്ന് ഒരു കൂട്ടുകെട്ടുണ്ടാക്കാനും ടീമിനെ സുസ്ഥിരമാക്കാനും ശ്രമിച്ചത്.
എന്നാല് അദ്ദേഹത്തിന്റെ ഇന്നിംഗ്സിന്റെ തുടക്കം വളരെ പതുക്കെയായിരുന്നു. അര്ദ്ധ സെഞ്ച്വറി നേടിയെങ്കിലും അദ്ദേഹത്തിന്റെ മന്ദഗതിയിലുള്ള തുടക്കം കെകെആറിന് മികച്ച സ്കോര് നേടുന്നതിന് വെല്ലുവിളിയായി. വെങ്കിടേഷ് തന്റെ ഇന്നിംഗ്സ് മന്ദഗതിയില് ആരംഭിച്ചത് ഫൈനല് സ്കോറിനെ ബാധിച്ചുവെന്ന് ആകാശ് ചോപ്ര ചൂണ്ടിക്കാട്ടി.
വെങ്കിടേഷ് അയ്യര് റണ്സ് നേടി എന്നതില് സംശയമില്ല, പക്ഷേ അദ്ദേഹത്തിന്റെ തുടക്കം വളരെ മന്ദഗതിയിലായിരുന്നു. പിച്ച് മന്ദഗതിയിലായിരുന്നു, അല്പ്പം ടേണിംഗുണ്ടായിരുന്നു. കൊല്ക്കത്ത ഇഷ്ടപ്പെടേണ്ട ഒരു സാധാരണ പിച്ച്. പക്ഷേ അവര്ക്ക് മതിയായ റണ്സ് സ്കോര് ചെയ്യാനായില്ല- ചോപ്ര പറഞ്ഞു.