ഐപിഎല്ലിലെ ആദ്യ മത്സരത്തില് പതിവ് പോലെ പരാജയപ്പെട്ട് തുടങ്ങിയ മുംബൈ ഇന്ത്യന്സിനെ പിന്തുണയുമായി ഇന്ത്യയുടെ മുന് താരവും പ്രശസ്ത കമന്റേറ്ററുമായ ദീപ്ദാസ് ഗുപ്ത. മെയ് മാസത്തില് മുംബൈ തങ്ങളുടെ ഏറ്റവും മികച്ചത് പുറത്തെടുക്കുമെന്ന് അദ്ദേഹം പറഞ്ഞു.
‘മെയ് മാസമൊക്കെ ആവുമ്പോഴേക്കും മുംബൈ ഇന്ത്യന്സ് തങ്ങളുടെ ഏറ്റവും മാരകമായ കളി പുറത്തെടുക്കും. മുംബൈ ഈ പേരിലാണ് അറിയപ്പെടുന്നത്. ടൂര്ണമെന്റ് പുരോഗമിക്കവെ തകര്പ്പന് പ്രകടനങ്ങളിലൂടെ മുംബൈ നമ്മളെ ആശ്ചര്യപ്പെടുത്തുന്നത് തുടരും.’
‘രോഹിത് ശര്മയും ഇഷാന് കിഷനും ഇപ്പോള് ഗംഭീര ഫോമിലാണ്. മറ്റു കളിക്കാര് കൂടി ടീമില് നിലയുറപ്പിച്ചു കഴിഞ്ഞാല് മുംബൈ ഇന്ത്യന്സ് തീര്ച്ചയായും എല്ലാ ടീമുകളെയും നിഷ്പ്രഭരാക്കുന്ന തരത്തില് മുന്നേറും’ ദീപ് ദാസ്ഗുപ്ത നിരീക്ഷിച്ചു.
ഞായറാഴ്ച വൈകീട്ട് നടന്ന മല്സരത്തില് റിഷഭ് പന്തിന്റെ ഡല്ഹി ക്യാപ്പിറ്റല്സാണ് മുംബൈയെ പരാജയപ്പെടുത്തിയത്. നാലു വിക്കറ്റിനായിരുന്നു മുംബൈയുടെ പരാജയം.
ഏപ്രില് രണ്ടിനു സഞ്ജു സാംസണിന്റെ രാജസ്ഥാന് റോയല്സുമായിട്ടാണ് മുംബൈ ഇന്ത്യന്സിന്റെ അടുത്ത പോരാട്ടം. മുംബൈയിലെ ഡിവൈ പാട്ടീല് സ്പോര്ട്സ് അക്കാദമിയിലാണ് ഈ മല്സരം.