ഇന്ത്യന് ക്രിക്കറ്റ് താരം ജയ്ദേവ് ഉനദ്ഘട്ട് വിവാഹിതനായി. റിന്നി കന്റാരിയ ആണ് വധു. ഗുജറാത്തിലെ ആനന്ദില് മധുബന് റിസോര്ട്ടില് ചെറിയ ചടങ്ങായിട്ടായിരുന്നു വിവാഹം നടന്നത്. വിവാഹം കഴിഞ്ഞ വിവരം താരം തന്നെയാണ് ട്വിറ്ററിലൂടെ അറിയച്ചത്. ഭാര്യയോടൊപ്പമുള്ള ചിത്രവും ഉനദ്ഘട്ട് പങ്കുവെച്ചു.
“2021 ഫെബ്രുവരി രണ്ടിന് ഞങ്ങള് വിവാഹിതരായ കാര്യം അറിയിക്കുന്നതില് സന്തോഷിക്കുന്നു. കുടുംബവും സുഹൃത്തുക്കളും പങ്കെടുത്ത ചെറിയ ചടങ്ങായിരുന്നു. നിങ്ങളുടെ സ്നേഹത്തിന് നന്ദി. ഒരുമിച്ചുള്ള യാത്രയില് എല്ലാവരുടെയും അനുഗ്രഹമുണ്ടാകണം.” ഉനദ്ഘട്ട് ട്വീറ്റില് പറഞ്ഞു.
ഐ.പി.എല്ലില് രാജസ്ഥാന് റോയല്സ് താരമാണു ഉനദ്ഘട്ട്. അടുത്ത സീസണിലേക്കും ഇന്ത്യന് ബോളറെ രാജസ്ഥാന് ടീമില് നിലനിര്ത്തിയിട്ടുണ്ട്.