ഐസിസി ടെസ്റ്റ് റാങ്കിംഗില് നാടകീയത. പുതുക്കിയ ടെസ്റ്റ് റാങ്കിംഗില് ഒന്നാമതെത്തിയ ഇന്ത്യയ്ക്ക് ആ സന്തോഷത്തില് നില്ക്കാനായത് വെറും മണിക്കൂറുകള് മാത്രം. ടെസ്റ്റ് റാങ്കിംഗ് ഐസിസി ഒരിക്കല് കൂടി പുതുക്കിയപ്പോള് ഒന്നാം സ്ഥാനത്തായിരുന്ന ഇന്ത്യ നേരെ രണ്ടാം സ്ഥാനത്തേക്ക്. നേരത്തെ ഒന്നാം സ്ഥാനത്തായിരുന്ന ഓസ്ട്രേലിയ തിരികെ ഒന്നാം സ്ഥാനത്തേക്കും.
പോയിന്റില് ഇന്ത്യ മുന്നിലാണെങ്കിലും റേറ്റിംഗില് ഓസ്ട്രേലിയയ്ക്കാണ് മേല്ക്കെ. 29 മത്സരങ്ങളില് നിന്ന് 3668 പോയിന്റുള്ള ഓസീസിന്റെ റേറ്റിംഗ് 126 ആണ്. എന്നാല് 32 മത്സരങ്ങളില്നിന്ന് 3690 പോയിന്റുള്ള ഇന്ത്യയുടെ റേറ്റിംഗ് 115 ആണ്.
നേരത്തെ, ഐസിസി റാങ്കിംഗ് പുതുക്കിയതിന് ശേഷം മൂന്ന് ഫോര്മാറ്റുകളിലും ഇന്ത്യ ഒന്നാം സ്ഥാനം നേടിയിരുന്നു. നിലവില് ഏകദിന, ടി20 റാങ്കിംഗില് ഇന്ത്യയാണ് തലപ്പത്ത്.