ടി-20 ലോകകപ്പിൽ ന്യുസിലാൻഡിനെതിരെ ഇന്ത്യക്ക് 96 ജയം. ഇതോടെ ടി 20 ലോകകപ്പ് മൂന്നാം തവണയാണ് ഇന്ത്യ നേടുന്നത്. ഇന്ത്യക്കായി വെടിക്കെട്ട് പ്രകടനവുമായി സഞ്ജു സാംസൺ, അഭിഷേക് ശർമ്മ, ഇഷാൻ കിഷൻ, ശിവം ദുബെ ഹാർദിക് പാണ്ട്യ എന്നിവർ തിളങ്ങി. ബോളിങ്ങിൽ ജസ്പ്രീത് ബുംറ, ഹർദിക് പാണ്ട്യ, അർശ്ദീപ് സിങ്, അക്സർ പട്ടേൽ എന്നിവരും മികച്ച പ്രകടനം പുറത്തെടുത്തു.
ഇപ്പോഴിതാ ടി20 ലോകകപ്പിലെ ഉജ്ജ്വല വിജയത്തിന് പിന്നാലെ ഇന്ത്യന് ക്രിക്കറ്റ് ടീമിനെ വാനോളം പുകഴ്ത്തി സംസാരിച്ചിരിക്കുകയാണ് മുന് ഇംഗ്ലണ്ട് ക്യാപ്റ്റന് മൈക്കല് അതേര്ട്ടന്.
‘കഴിഞ്ഞ കുറച്ച് ഐസിസി ടൂര്ണമെന്റുകളിലായി കളിച്ച 32 മത്സരങ്ങളില് 30 എണ്ണത്തിലും ഇന്ത്യ വിജയിച്ചു. ഏകദിന ലോകകപ്പ് ഫൈനലില് ഓസ്ട്രേലിയയോടും ഈ ലോകകപ്പിലെ ഗ്രൂപ്പ് ഘട്ടത്തില് ദക്ഷിണാഫ്രിക്കയോടും മാത്രമാണ് അവര് പരാജയപ്പെട്ടത്. വൈറ്റ് ബോള് ക്രിക്കറ്റിലെ എല്ലാ ഫോര്മാറ്റുകളിലും ഇന്ത്യയാണ് ഇപ്പോള് ഏറ്റവും കരുത്തര്. ചാമ്പ്യന്സ് ട്രോഫി, ടി20 ലോകകപ്പ്, ഏകദിന ലോകകപ്പ് എന്നിവ ഒരേസമയം സ്വന്തമാക്കുക എന്നതായിരിക്കും അവരുടെ അടുത്ത ലക്ഷ്യം’ മൈക്കല് അതേര്ട്ടന് പറഞ്ഞു.