ദക്ഷിണാഫ്രിക്കയ്ക്കെതിരേ സമാപിച്ച ടി20 പരമ്പരയിലെ അവസാന കളിയിലെ സഞ്ജു സാംസണിന്റെയും തിലക് വര്മയുടെയും സെഞ്ച്വറികളെ താരതമ്യം ചെയ്ത് എബി ഡിവില്ലിയേഴ്സ്. ഇന്ത്യ 135 റണ്സിനു വിജയിച്ച പോരാട്ടത്തില് തിലക് പുറത്താവാതെ 120 റണ്സും സഞ്ജു 109 റണ്സും നേടിയിരുന്നു.
ജൊഹാനസ്ബര്ഗിലെ വാണ്ടറേഴ്സില് തിലക് 47 ബോളില് 120ഉം സഞ്ജു 56 ബോളില് 109ഉം റണ്സ് സ്കോര് ചെയ്തു. ഞാന് ഇക്കാര്യം പറയുന്നതില് നിങ്ങള് എന്നെ കുഴപ്പത്തിലാക്കരുത്. തിലകിനേക്കാള് മികച്ച ഇന്നിങ്സ് കളിച്ചത് സഞ്ജുവാണെന്നാണ് എനിക്കു തോന്നിയിട്ടുള്ളത്. ഇതു എന്റെ വ്യക്തിപരമായ അഭിപ്രായം മാത്രമാണ്.
ഇന്ത്യയെ സംബന്ധിച്ച് വളരെ മികച്ച താരങ്ങളിലൊരാളാണ് തിലക് വര്മ. അടുത്ത അഞ്ചു- പത്ത് വര്ഷം ഇന്ത്യന് ക്രിക്കറ്റിലെ മികച്ച താരങ്ങളിലൊരാളായി അദ്ദേഹത്തെ കാണാനും സാധിക്കും. മുംബൈ ഇന്ത്യന്സിനായി ഐപിഎല്ലില് തിലക് കളിക്കുന്നത് ഞാന് കണ്ടിട്ടുള്ളതാണ്. ചിന്നസ്വാമിയില് ആര്സിബിക്കെതിരേ അദ്ദേഹത്തിന്റെ മികച്ച ചില പ്രകടനങ്ങളും കണ്ടു കഴിഞ്ഞു. ഇന്ത്യയുടെ ഭാവി സൂപ്പര് താരമായി തിലക് മാറും.
ദക്ഷിണാഫ്രിക്കയുമായുള്ള അവസാന കളിയിലേത് തിലകിന്റെ ഏറ്റവും മികച്ച ഇന്നിംഗ്സായിരുന്നില്ല. ഞാന് ഇതു പറയുമ്പോള് തമാശയായി തോന്നുന്നുണ്ടാവും. സെഞ്ച്വറി നേടിയെങ്കിലും കളിയില് പലപ്പോഴും ബാറ്റിലിന്റ മധ്യത്തില് ബോള് കൊള്ളിക്കാന് തിലകിനായിരുന്നില്ല. എന്നിട്ടും അദ്ദേഹം സെഞ്ച്വറി കണ്ടെത്തി. ഇതാണ് ക്രിക്കറ്റെന്ന ഗെയിമിന്റെ സൗന്ദര്യം. സ്കോര് ബോര്ഡില് എന്താണോ കാണിക്കുന്നത് അതാണ് ഏറ്റവും പ്രധാനപ്പെട്ട കാര്യം- ഡിവില്ലിയേഴ്സ് പറഞ്ഞു.