മൂന്നാം ക്രിക്കറ്റ് ടെസ്റ്റിലെ പ്രകടനത്തില് ഇന്ത്യയെ കുറ്റം പറയാനാവില്ലെന്ന് ഇംഗ്ലീഷ് താരം ഡേവിഡ് മലാന്. ഇന്ത്യയുടെ ബോളിംഗ് മികച്ചതായിരുന്നെന്നും എന്നാല് ആദ്യ ദിനം ആദ്യ മണിക്കൂറില് കണ്ട പിച്ചിന്റെ സ്വഭാവും കളി പുരോഗമിക്കുംതോറും മാറി വന്നതാണ് തിരിച്ചടിയായതെന്നും മലാന് പറഞ്ഞു.
‘ആദ്യ ദിനം ആദ്യ മണിക്കൂറില് അവര് ബാറ്റ് ചെയ്തിടത്ത് നിന്ന് പിച്ചില് വലിയ മാറ്റമുണ്ടായി. ഇന്ത്യയുടെ ബോളിംഗ് മൂര്ച്ചയില്ലാത്തത് ആയിരുന്നു എന്ന് പറയാനാവില്ല. അവര് എല്ലാ വഴിയും പ്രയോഗിച്ചു. ഒരുപാട് ചോദ്യങ്ങള് അവരില് നിന്ന് വന്നെങ്കിലും വിക്കറ്റില് നിന്ന് വേണ്ട സഹായം ലഭിച്ചില്ല’ മലന് പറഞ്ഞു.
ടെസ്റ്റിന്റെ ഒന്നാംദിനം ടോസ് നേടി ബാറ്റിംഗിനിറങ്ങിയ ഇന്ത്യ 78 റണ്സിന് ഓള്ഔട്ടായിരുന്നു. എന്നാല് ഒന്നാം ഇന്നിംഗ്സില് വളരെ മികച്ച തുടക്കമാണ് ഇംഗ്ലണ്ടിന് ലഭിച്ചത്. ഇത് മുതലാക്കി 345 റണ്സിന്റെ ലീഡാണ് അതിഥേയര് പടുത്തുയര്ത്തിയിരിക്കുന്നത്. രണ്ടാം ദിനം കളി നിര്ത്തുമ്പോള് ഇംഗ്ലണ്ട് 8 വിക്കറ്റ് നഷ്ടത്തില് 423 റണ്സെന്ന നിലയിലാണ്.