ലോര്‍ഡ്‌സിലെ ഏറെ സംഭവബഹുലമായ ഇന്ത്യ- ഇംഗ്ലണ്ട് രണ്ടാം ടെസ്റ്റ് പോരാട്ടത്തെ കുറിച്ച് പ്രതികരണവുമായി ഇംഗ്ലീഷ് ടീമിന്റെ മുഖ്യ പരിശീലകന്‍ ക്രിസ് സില്‍വര്‍വുഡ്. തോല്‍വി തങ്ങള്‍ നിരാശരാണെന്നും എന്നാല്‍ ഇത്തരം ചെറിയ പോരാട്ടങ്ങളെ തങ്ങള്‍ ഭയപ്പെടുന്നില്ലെന്നും സില്‍വര്‍വുഡ് പറഞ്ഞു.
‘ഇത്തരം ചെറിയ പോരാട്ടങ്ങളെ ഞങ്ങള്‍ ഭയപ്പെടുന്നില്ല. അവര്‍ ഞങ്ങളെ പ്രകോപിപ്പിക്കുന്നു, അപ്പോള്‍ അത് ഞങ്ങള്‍ തിരിച്ചും ചെയ്യുന്നു. ഫലത്തില്‍ ഞങ്ങള്‍ നിരാശരാണ്, പക്ഷേ ഇതൊരു മികച്ച മത്സരമായിരുന്നു. അവരുടെ രാജ്യത്തെ പ്രതിനിധീകരിക്കുന്ന രണ്ട് അഭിമാനികളായ കളിക്കാരില്‍ നിന്നുള്ള വികാരങ്ങള്‍ അവിടെ ചെറിയ തോതില്‍ തീ ഉയര്‍ത്തി.’
‘മത്സരത്തില്‍ വികാരങ്ങള്‍ ഉയര്‍ന്നു, അതില്‍ സംശയമില്ല. ആ ആദ്യ ഇന്നിംഗ്‌സില്‍ അവര്‍ ജിമ്മിയെ ലക്ഷ്യമാക്കി. ഞങ്ങളും കഠിനമായി തിരിച്ചടിച്ച് മത്സരത്തില്‍ ആധിപത്യം നേടാന്‍ ശ്രമിച്ചു. എന്നാല്‍ വാലറ്റത്ത് തിരിച്ചടി നേരിട്ടു. ഞങ്ങള്‍ അതില്‍ നിന്ന് പഠിക്കും’ സില്‍വര്‍വുഡ് പറഞ്ഞു.