ബംഗ്ലാദേശിനെതിരായ ടി20 പരമ്പരയില് സഞ്ജു സാംസണിനെ ഓപ്പണിങ്ങിലിറക്കാന് ഇന്ത്യ ആലോചിക്കുന്നെന്ന റിപ്പോര്ട്ടുകള് കഴിഞ്ഞ ദിവസങ്ങളില് പുറത്തുവന്നിരുന്നു. ഇപ്പോഴിതാ സഞ്ജുവിന് ഇന്ത്യന് ടീമില് ഏറ്റവും അനുയോജ്യമായ ബാറ്റിംഗ് പൊസിഷനേതാണെന്ന് ശ്രീലങ്കന് മുന് നായകനും രാജസ്ഥാന് റോയല്സ് കോച്ചുമായ കുമാര് സംഗക്കാര നിര്ദേശിച്ചത് ഇപ്പോള് വൈറലായിരിക്കുകയാണ്.
ഇന്ത്യന് ടീമില് നാലാം നമ്പര് സഞ്ജുവിന് നല്കണമെന്നാണ് സംഗക്കാര പറയുന്നത്. സഞ്ജുവിനെ പവര്പ്ലേയ്ക്ക് ശേഷം ഇറക്കുന്നതാണ് ഏറ്റവും നല്ലതെന്നുമാണ് അദ്ദേഹം അഭിപ്രായപ്പെട്ടത്.
ഉയര്ന്ന ശാരീരിക ക്ഷമത അവനുണ്ട്. പ്രതിസന്ധികളെ എങ്ങനെ മറികടന്ന് ബാറ്റ് ചെയ്യണമെന്ന് അവനറിയാം. അതുകൊണ്ടുതന്ന എവിടെ വേണമെങ്കിലും സഞ്ജുവിനെ ഇന്ത്യക്ക് കളിപ്പിക്കാവുന്നതാണ്. എവിടെ കളിച്ചാലും സഞ്ജുവിന് മികവ് കാട്ടാനുള്ള പ്രതിഭയുണ്ടെന്നും സംഗക്കാര കൂട്ടിച്ചേര്ത്തു.