കഴിഞ്ഞ വർഷം ഏഷ്യാ കപ്പിന് ശേഷം ഫോമിലേക്കുള്ള വിരാട് കോഹ്‌ലിയുടെ ആവേശകരമായ തിരിച്ചുവരവ് നിശ്ചയദാർഢ്യത്തിന്റെയും സ്ഥിരോത്സാഹത്തിന്റെയും മികച്ച ഉദാഹരണമാണ്. ഈ ഉദാഹരണം പലയിടത്തും കേസ് സ്റ്റഡിയായി ഉപയോഗിച്ചിട്ടുണ്ട്, 9-ാം ക്ലാസിലെ ഇംഗ്ലീഷ് ചോദ്യപേപ്പറിൽ കോഹ്‌ലിയുടെ തിരിച്ചുവരവിനെക്കുറിച്ചുള്ള ചോദ്യം വന്നപ്പോൾ അത് എഴുതിയ കുട്ടികളും അത് സോഷ്യൽ മീഡിയയിൽ പ്രത്യേക്ഷപ്പെട്ടപ്പോൾ ആരാധകരും ആവേശത്തിലായി.
ചോദ്യപേപ്പറിന്റെ ഫോട്ടോ വൈറലായിട്ടുണ്ട്, അതിൽ വിരാട് കോഹ്ലി തന്റെ 71-ാം അന്താരാഷ്ട്ര സെഞ്ച്വറി ആഘോഷിക്കുന്നതിന്റെ ഫോട്ടോയുണ്ട്, ഏകദേശം 100-120 വാക്കുകളിൽ ചിത്രത്തെ വിവരിക്കുക എന്നതാണ് ചോദ്യം. ട്വിറ്ററിലെ ആരാധകർ, പ്രത്യേകിച്ച് വിരാട് കോഹ്‌ലിയുടെ ആരാധകർ, പരീക്ഷാ പേപ്പറിൽ ഇത്തരമൊരു ചോദ്യം കണ്ടപ്പോൾ ആവേശഭരിതരായി, അവരുടെ ഒരു പരീക്ഷയിൽ ഇത് വന്നിരുന്നെങ്കിൽ അവർ അതിനെ എങ്ങനെ സമീപിക്കുമായിരുന്നുവെന്ന് ആശ്ചര്യപ്പെട്ടു.’
ചിലപ്പോൾ ഈ ചോദ്യത്തിനുള്ള ഉത്തരം എഴുതി മാത്രം സമയം കളയുമായിരുന്നു എന്ന അഭിപ്രായമാണ് ഒരു വിഭാഗം ആരാധകർ പറഞ്ഞത് എങ്കിൽ മറ്റുചിലർ വേറെ ഒരു ചോദ്യത്തിനും ഫുൾ മാർക്ക് കിട്ടിയില്ലെങ്കിലും ഈ ചോദ്യത്തിന് എഴുതുന്ന ഉത്തരത്തിന് മുഴുവൻ മാർക്ക് കിട്ടും എന്നും പറഞ്ഞു.