ന്യൂസിലന്ഡിനെതിരായ മൂന്നാം ടെസ്റ്റില് ഇന്ത്യ ദയനീയമായ തോല്വി ഏറ്റുവാങ്ങി പരമ്പര 3-0ന് കൈവിട്ടു. ഇതാദ്യമായാണ് സ്വന്തം തട്ടകത്തില് മൂന്നോ അതിലധികമോ മത്സരങ്ങളുടെ പരമ്പരയില് ഇന്ത്യ വൈറ്റ് വാഷ് ചെയ്യപ്പെടുന്നത്. മൊത്തത്തില്, ഇന്ത്യ എത്രയും വേഗം മറക്കാന് ആഗ്രഹിക്കുന്ന പ്രകടനമായിരുന്നു ഇത്. തോല്വിയില് പ്രതികരിച്ച ക്യാപ്റ്റന് രോഹിത് ശര്മ ഇത് ടീമിനെ വളരെക്കാലം വേദനിപ്പിക്കുമെന്ന് സമ്മതിച്ചു.
ഒരു പരമ്പര തോല്ക്കുക, ഒരു ടെസ്റ്റ് തോല്ക്കുക എന്നത് ഒരിക്കലും എളുപ്പമല്ല. അത് എളുപ്പം ദഹിക്കാത്ത ഒന്നാണ്. ഞങ്ങള് ഞങ്ങളുടെ മികച്ച ക്രിക്കറ്റ് കളിച്ചില്ല, ഞങ്ങള്ക്കറിയാം, ഞങ്ങള് അത് അംഗീകരിക്കേണ്ടതുണ്ട്. അവര് (ന്യൂസിലാന്ഡ്) പരമ്പരയിലുടനീളം ഞങ്ങളേക്കാള് വളരെ നന്നായി ചെയ്തു. ഞങ്ങള് അത് അംഗീകരിക്കേണ്ടിവരും.
ആദ്യ ഇന്നിംഗ്സില് (ബെംഗളുരുവിലും പൂനെയിലും) ഞങ്ങള്ക്ക് വേണ്ടത്ര റണ്സ് ലഭിച്ചില്ല. കളിയില് പിന്നിലായി. ഇവിടെ, ഞങ്ങള്ക്ക് 30 റണ്സിന്റെ ലീഡ് ലഭിച്ചു, ഞങ്ങള് മുന്നിലാണെന്ന് ഞങ്ങള് കരുതി, ലക്ഷ്യവും നേടാനാകുമെന്ന് ഞങ്ങള് കരുതി. എന്നാല് ഫലം നേടുന്നതില് ഞങ്ങള് പരാജയപ്പെട്ടു.
ഇത്തരമൊരു ലക്ഷ്യത്തെ പിന്തുടരുമ്പോള്, നിങ്ങള്ക്ക് ബോര്ഡില് റണ്സ് വേണം, അത് വന്നില്ല. ഈ പരമ്പര എല്ലാവിധത്തിലും എനിക്ക് നിരാശാജനകമാണ്. ഈ പ്രതലങ്ങളില് നിങ്ങള് എങ്ങനെ ബാറ്റ് ചെയ്യണമെന്ന് അവര് (പന്ത്, ജയ്സ്വാള്, ഗില് എന്നിവരില്) കാണിച്ചുതന്നു.
കഴിഞ്ഞ 3-4 വര്ഷമായി ഞങ്ങള് ഇത്തരം പിച്ചുകളില് കളിക്കുന്നു. അതിനാല് ിവിടെ എങ്ങനെ കളിക്കണമെന്ന് ഞങ്ങള്ക്കറിയാം. എന്നാല് ഈ പരമ്പരയില് അത് വന്നില്ല. വ്യക്തിപരമായ കാഴ്ചപ്പാടില് നിന്ന് നോക്കുമ്പോള്, ഞാന് ബാറ്റിംഗിലും ക്യാപ്റ്റനെന്ന നിലയിലും മികച്ച പ്രകടനം കാഴ്ചവെച്ചില്ല. അതോടൊപ്പം ഞങ്ങള് കൂട്ടായും നല്ല പ്രകടനം നടത്തിയില്ല. അതാണ് ഈ പരാജയത്തിന് കാരണം- രോഹിത് കൂട്ടിച്ചേര്ത്തു.