2022-ൽ ബിബിസിയുടെ ടോപ്പ് ഗിയറിൻ്റെ ഷൂട്ടിംഗിനിടെ തൻ്റെ വാഹനാപകടത്തെക്കുറിച്ച് ആൻഡ്രൂ ഫ്ലിൻ്റോഫ് ഈയിടെ തുറന്നുപറഞ്ഞു രംഗത്ത് എത്തിയിരിക്കുകയാണ്. മുഖത്ത് പരിക്കേറ്റ അദ്ദേഹത്തിന് ശസ്ത്രക്രിയ ആവശ്യമായി വന്നു. ബിബിസി ഷൂട്ടിംഗ് താൽക്കാലികമായി നിർത്തിയിരുന്നു, മുൻ ഇംഗ്ലണ്ട് ഓൾറൗണ്ടറിന് 9 ദശലക്ഷം പൗണ്ട് നഷ്ടപരിഹാരമായി കിട്ടി.
“എനിക്ക് സംഭവിച്ച അപകടത്തിന് ശേഷം ഞാൻ ജീവിച്ചിരിക്കേണ്ടത് ആയിരുന്നില്ല. എന്നോട് സഹതാപം തോന്നാൻ ഞാൻ ആഗ്രഹിക്കുന്നില്ല. ഞാൻ ഇപ്പോഴും ഉത്കണ്ഠയുമായി മല്ലിടുകയാണ്, എനിക്ക് പേടിസ്വപ്നങ്ങളും ഫ്ലാഷ്ബാക്കുകളും ഉണ്ട്. എല്ലാ ആഘാതങ്ങളും കൈകാര്യം ചെയ്യാൻ പ്രയാസമാണ്. ഞാൻ ബുദ്ധിമുട്ടുകയാണ്, എനിക്ക് സഹായം ആവശ്യമാണ്. ഞാൻ പൊതുവെ സഹായം ചോദിക്കാറില്ല. ഓരോ രണ്ട് മിനിറ്റിലും എനിക്ക് കരച്ചിൽ വരുന്നു,” ഫ്ലിന്റോഫ് പറഞ്ഞു.
“ഞാൻ പോസിറ്റീവുകളിലേക്ക് നോക്കാൻ ശ്രമിക്കുന്നു. എനിക്ക് പുതുജീവിതമാണ് കിട്ടിയത്, ഞാൻ അത് പൂർണ്ണമായി ഉപയോഗിക്കും. ഞാൻ വികാരാധീനനാകുകയാണ്, ഞാൻ എൻ്റെ സൺഗ്ലാസ് ധരിക്കാൻ പോകുന്നു, ”അദ്ദേഹം കൂട്ടിച്ചേർത്തു.
പതുക്കെ പതുക്കെ സാധാരണ ജീവിതത്തിലേക്ക് വരുകയാണ് താരം ഇപ്പോൾ.