ഐപിഎലിൽ ഇന്നലെ നടന്ന മത്സരത്തിൽ ലഖ്നൗ സൂപ്പർ ജയ്ന്റ്സിനെതിരേ പഞ്ചാബ് കിംഗ്സിന് ജയം. 54 റൺസിനായിരുന്നു പഞ്ചാബിന്റെ ജയം. എന്നാൽ, വാശിയോടെ പൊരുതി ബാറ്റ് വീശിയ ലഖ്നൗവിന് 20 ഓവറിൽ 200 റൺസ് നേടാൻ കഴിഞ്ഞുള്ളു. അഞ്ച് വിക്കറ്റ് നഷ്ടത്തിലായിരുന്നു എൽഎസ്ജി 200 റൺസ് നേടിയത്.
പഞ്ചാബ് ഓപണർ പ്രഭ്സിമ്രാൻ സിംഗ് ഒരു റൺ പോലും നേടാനാകാതെ ഡഗ്ഔട്ടിലേക്ക് മടങ്ങിയപ്പോൾ പ്രിയാൻഷ് ആര്യ ടീമിനായി തകർത്തടിച്ചു. ഒൻപത് സിക്സറുകളും നാല് ബൗണ്ടറികളും അടക്കം 37 പന്തിൽ നിന്ന് 93 റൺസാണ് നേടിയത്. ടീമിന്റെ ടോപ് സ്കോററായതും പ്രിയാൻഷ് തന്നെ.
ഒപ്പം 46 പന്തിൽ നിന്ന് ഏഴ് സിക്സറുകളും എട്ട് ബൗണ്ടറികളും അടക്കം 87 റൺസാണ് പഞ്ചാബിനായി കൂപ്പർ അടിച്ചുകൂട്ടിയത്. നായകൻ ശ്രേയസ് അയ്യരിനും മാറ്റ് താരങ്ങൾക്കും മികച്ച സ്കോർ കണ്ടെത്താൻ സാധിച്ചില്ല. മത്സരശേഷം ശ്രേയസ് അയ്യർ സംസാരിച്ചു.
‘മത്സരത്തിന് മുൻപ് ഞാൻ ആര്യയോടും കൂപ്പറിനോടും പറഞ്ഞു, ഏറ്റവും കൂടുതൽ സിക്സ് അടിക്കുന്ന ആൾക്ക് എന്റെ ബാറ്റ് സമ്മാനമായി നൽകുമെന്ന്. അത് ശരിയാകുമോ എന്ന് അറിയില്ല, പക്ഷെ നമ്മളെ ഹാപ്പിയാക്കാൻ അത് സഹായിക്കും എന്ന് ഉറപ്പായിരുന്നു. ഇങ്ങനെ താരങ്ങളോട് പറഞ്ഞാൽ അവർ അത് ചെയ്യും. ഇതാണ് ഞങ്ങളുടെ വിജയ മന്ത്രവും’ ശ്രേയസ് അയ്യർ പറഞ്ഞു.