തിങ്കളാഴ്ച മുംബൈയിൽ നടന്ന വനിതാ പ്രീമിയർ ലീഗ് (WPL) 2023 ലേലം റോയൽ ചലഞ്ചേഴ്‌സ് ബാംഗ്ലൂർ ചലഞ്ചേഴ്‌സ് ഉൾപ്പെട്ട ലേലം കാണാൻ തന്നെ ആരാധകർക്ക് ആവേശമായിരുന്നു. തങ്ങൾ ഉദ്ദേശിച്ച താരങ്ങളെ എല്ലാം സ്വന്തമാക്കാൻ ടീമിന് സാധിച്ചു. സാധാരണ ലേലത്തിൽ ‘മുംബൈ ഇന്ത്യൻസ്” കാണിക്കുന്നത് പോലെ ലോകോത്തര താരങ്ങൾ അടങ്ങിയ ടീമിനെ തന്നെയാണ് ബാംഗ്ലൂർ സ്വതമാക്കിയിരിക്കുന്നത്.
3.4 കോടി രൂപ മുടക്കി ബാംഗ്ലൂർ ആദ്യം മന്ദാനയ്ക്ക് വേണ്ടി കാശ് വാരി എറിഞ്ഞു. അതേസമയം, ഓൾറൗണ്ടർമാരായ എല്ലിസ് പെറിയെയും സോഫി ഡിവിനേയും യഥാക്രമം 1.7 രൂപയ്ക്കും 50 ലക്ഷം രൂപയ്ക്കും സ്വന്തമാക്കി. മന്ദാനയെ പോലെ ഒരു ലോകോത്തര താരത്തെ ടീമിൽ എടുത്തതിൽ താൻ വലിയ സന്തോഷത്തിലാണ് എന്നും മികച്ച ലേലം നടത്തിയ തന്റെ ടീമിനെ അഭിനന്ദിക്കുക ആണെന്നും പറയുകയാണ് ദിനേശ് കാർത്തിക്ക്.
ഡബ്ല്യുപിഎൽ ലേലത്തിന് മുന്നോടിയായി, മന്ദാനയെയും അലിസ ഹീലിയെയും ആർസിബി സ്വന്തമാക്കുമെന്ന് കാർത്തിക് പ്രതീക്ഷിച്ചിരുന്നു. 70 ലക്ഷം രൂപയ്ക്ക് യുപി വാരിയേഴ്‌സ് ഹീലിയെ സ്വന്തമാക്കിയപ്പോൾ,തന്റെ ഫ്രാഞ്ചൈസി ഇത്തരം മികച്ച പ്രകടനം നടത്തിയതിൽ സന്തോഷമുണ്ടെന്നും മന്ദാനയെയും മറ്റ് താരങ്ങളെയും ആർസിബി കുടുംബത്തിലേക്ക് സ്വാഗതം ചെയ്യുന്നതായും കാർത്തിക് ട്വീറ്റ് ചെയ്തു.
“ഞാൻ പറഞ്ഞത് കേട്ടതിൽ ബാംഗ്ലൂരിനോട് സന്തോഷം അറിയിക്കുന്നു. എല്ലാവര്ക്കും ബാംഗ്ലൂർ കുടുംബത്തിലേക്ക് സ്വാഗതം.
