ഐപിഎലിൽ ഇപ്പോൾ നടക്കുന്ന മത്സരത്തിൽ കൊൽക്കത്തയ്ക്കെതിരെ കൂറ്റൻ സ്കോറിൽ എത്തി സൺ റൈസേഴ്സ് ഹൈദരാബാദ്. 20 ഓവറിൽ ടീം നേടിയത് 278 റൺസാണ്. ബാറ്റ് ചെയ്ത എല്ലാ ബാറ്റ്സ്മാന്മാരും തകർപ്പൻ പ്രകടനമാണ് നടത്തിയത്. ഇന്നത്തെ ബാറ്റിംഗിൽ സ്റ്റാർ ആയത് ഹെൻറിച്ച് ക്ലാസനാണ്. 39 പന്തുകളിൽ നിന്നായി 7 ഫോറം 9 സിക്സും അടക്കം 105 റൺസാണ് താരം നേടിയത്.
കൂടാതെ ഹൈദെരാബാദിനായി ട്രാവിസ് ഹെഡ് 40 പന്തിൽ 6 സിക്സും 6 ഫോറുമായി 76 റൺസും നേടി. ഓപ്പണിങ് ബാറ്റ്സ്മാനായ അഭിഷേക് ശർമ്മ 16 പന്തിൽ 4 ഫോറും 2 സിക്സുമായി 32 റൺസും, ഇഷാൻ കിഷൻ 20 പന്തിൽ നിന്നായി 4 ഫോറും 1 സിക്സുമായി 29 റൺസും നേടി വെടിക്കെട്ട് പ്രകടനം കാഴ്ച വെച്ചു.
മോശമായ ബോളിങ് പ്രകടനമാണ് കൊൽക്കത്ത ബോളർമാർ കാഴ്ച വെച്ചത്. ഇന്നത്തെ മത്സരത്തോടു കൂടി ഇരു ടീമുകളുടെയും ലീഗ് മത്സരങ്ങൾ അവസാനിക്കും. അക്രമണോസക്തമായ ബാറ്റിംഗ് പ്രകടനത്തിലൂടെ 300 റൺസ് നേടാനായില്ലെങ്കിലും ഈ സീസണിൽ രണ്ട് തവണ 270 മുകളിൽ നേടി മികച്ച പ്രകടനം നടത്തിയ സൺ റൈസേഴ്സ് ഹൈദരാബാദ് താരങ്ങളുടെ കാര്യത്തിൽ ആരാധകർ ഹാപ്പിയാണ്.