ബോർഡർ ഗവാസ്‌കർ ട്രോഫിക്ക് മുന്നോടിയായി നടത്തിയ ‘അന്യായമായ’ പിച്ച് പരാമർശങ്ങളിൽ ഓസ്‌ട്രേലിയൻ താരം ഇയാൻ ഹീലിക്കെതിരെ തിരിച്ചടിച്ച് മുൻ ഇന്ത്യൻ കോച്ച് ജോൺ റൈറ്റ്. രോഹിത് ശർമ്മയെയും കൂട്ടരെയും 2-1 ന് ട്രോഫി ഉയർത്താൻ സഹായിക്കുന്ന സ്പിൻ-ഫ്രണ്ട്ലി വിക്കറ്റുകൾ ബിസിസിഐ എങ്ങനെ നിർമ്മിക്കുമെന്ന് 58 കാരനായ അദ്ദേഹം പറഞ്ഞിരുന്നു. അതിനിടെ, 2000-2005 കാലഘട്ടത്തിൽ ഇന്ത്യയെ പരിശീലിപ്പിച്ച റൈറ്റ്, ഏത് രാജ്യത്താണോ മത്സരം നടക്കുന്നത് അവരുടെ ശക്തിക്ക് അനുസരിച്ച് പിച്ച് തയാറാക്കാൻ അവസരമുണ്ടെന്നും പറഞ്ഞു.
“സ്വന്തം മണ്ണിൽ കളിക്കുന്ന രാജ്യങ്ങൾക്ക് സ്വന്തം ടീമിന് അനുയോജ്യമായ പിച്ചുകൾ നിർമ്മിക്കാൻ അർഹതയുണ്ട്. അത് അന്യായമല്ല, അതാണ് ടെസ്റ്റ് ക്രിക്കറ്റിനെ മികച്ചതാക്കുന്നത് #INDvsAUS #ianhealy,” റൈറ്റ് ട്വീറ്റ് ചെയ്തു.
നേരത്തെ, എങ്ങനെയാണ് ഇന്ത്യ ‘യുക്തിരഹിതമായ വിക്കറ്റുകൾ’ ഉണ്ടാക്കുന്നതെന്ന് ഹീലി ചോദിച്ചിരുന്നു , ഇത് ഇന്ത്യൻ ക്രിക്കറ്റ് കളിക്കാർക്ക് മാത്രമേ ഗുണം ചെയ്യൂവെന്നും അതിനെ ഒരു മികച്ച മത്സരമായി കാണാൻ സാധിക്കില്ല എന്നും പറഞ്ഞു.
“ഇന്ത്യയിൽ ഞങ്ങൾ പരിശീലനത്തിന് എത്തുമ്പോൾ അവർ ഞങ്ങൾക്കായി ഒരുക്കുന്നത് ഗാബയിലെ പേസറുമാരെ അനുകൂലിക്കുന്ന പിച്ചാണ്. അതുകൊണ്ട് എന്താണ് ഉപയോഗം, നല്ല സ്പിൻ ടേക്ക് അവർ തരുന്നില്ല ”ഖവാജ ഈ മാസം ആദ്യം ഒരു പത്രസമ്മേളനത്തിൽ പറഞ്ഞു. കൂടാതെ അവർ മികച്ച ബാറ്റിംഗ് വിക്കറ്റുകൾ സൃഷ്ടിക്കുകയാണെങ്കിൽ, അതായത് സ്പിന്നിനെയും പേസിനേയും ഒരേപോലെ പിന്തുണക്കുന്ന ട്രാക്ക് ഒരുക്കിയാൽ ഓസ്‌ട്രേലിയ ജയിക്കും.” കഴിഞ്ഞ പരമ്പരയിൽ ഞാൻ കണ്ടത്, ആദ്യ ദിവസം മുതൽ അമിതമായി സ്പിന്നിനെ പിന്തുണക്കുന്ന പിച്ചുകളാണ്. അങ്ങനെ സംഭവിച്ചാൽ ഇന്ത്യ ജയിക്കും ”അദ്ദേഹം കൂട്ടിച്ചേർത്തു.
ഇന്ത്യ സ്പിൻ ട്രാക്ക് ഒരുക്കി ജയിക്കാൻ ശ്രമിക്കും എന്നതിന് കലക്കൻ മറുപടിയാണ് എന്തായലും ഇപ്പോൾ നൽകിയിരിക്കുന്നത്.