ഓസ്‌ട്രേലിയയിൽ നടക്കാനിരിക്കുന്ന ബോർഡർ-ഗവാസ്‌കർ ട്രോഫിയിൽ ഇന്ത്യൻ ബാറ്റിംഗ് ഇതിഹാസം വിരാട് കോഹ്‌ലിക്ക് എതിരെ ഒരിക്കൽ കൂടി ബൗൾ ചെയ്യാൻ കാത്തിരിക്കുകയാണെന്ന് സ്‌കോട്ട് ബോളണ്ട്. കഴിഞ്ഞ രണ്ട് ടെസ്റ്റ് പരമ്പരകളിലും ഇന്ത്യ ഓസ്‌ട്രേലിയയെ തകർത്തു. 2018-19ൽ കോഹ്‌ലി ഇന്ത്യയെ ഓസ്‌ട്രേലിയൻ മണ്ണിൽ തങ്ങളുടെ ആദ്യ ടെസ്റ്റ് വിജയത്തിലേക്ക് നയിച്ചു. 2020-21 ൽ അവിടെ ഇന്ത്യ തങ്ങളുടെ ആദ്യ ടെസ്റ്റിലെ രണ്ടാം ഇന്നിംഗ്‌സിൽ 36 റൺസിന് പുറത്തായി മത്സരത്തിൽ 10 വിക്കറ്റിൻ്റെ തോൽവി ഏറ്റുവാങ്ങി. എന്നാൽ നായകൻ കോഹ്‌ലി ആദ്യ മത്സരത്തിലെ തോൽവിക്ക് ശേഷം മടങ്ങിയെങ്കിലും നിരവധി പരിക്കുകൾക്കും ബുദ്ധിമുട്ടുകൾക്കും ഒടുവിൽ അജിൻക്യ രഹാനെയുടെ നേതൃത്വത്തിൽ ഇന്ത്യ 2 – 1 നു പരമ്പര സ്വന്തമാക്കി.
ഓവലിൽ ഇന്ത്യയും ഓസ്‌ട്രേലിയയും തമ്മിലുള്ള ലോക ടെസ്റ്റ് ചാമ്പ്യൻഷിപ്പ് ഫൈനലിൽ കോഹ്‌ലി ബോളണ്ടിനെ നേരിട്ടു. രണ്ട് ഇന്നിംഗ്‌സുകളിലും 14, 49 റൺസിന് മുൻ താരത്തെ ബോളണ്ട് പുറത്താക്കി. പാറ്റ് കമ്മിൻസും കൂട്ടരും ഏറ്റുമുട്ടലിൽ 209 റൺസിന് വിജയിച്ചു. ഇത്തവണത്തെ ബോർഡർ-ഗവാകർ ട്രോഫിയിൽ ഇന്ത്യയെ അട്ടിമറിക്കാനുള്ള ഫേവറിറ്റുകൾ ഓസ്‌ട്രേലിയയായിരിക്കുമെന്ന് ബോളണ്ട് അഭിപ്രായപ്പെട്ടു.
“ഞങ്ങൾക്ക് ക്ലാസ് ബൗളിംഗ് ആക്രമണം ലഭിച്ചിട്ടുണ്ടെന്ന് ഞാൻ കരുതുന്നു, ലോകത്തിലെ ഏറ്റവും മികച്ച ചില കളിക്കാർ ഞങ്ങൾക്കായി നല്ല രീതിയിൽ ജോലി ചെയ്യുമെന്നാണ് കരുതുന്നത് “ബോളർ പറഞ്ഞു.
എന്നിരുന്നാലും, വലംകൈയ്യൻ സീമർ കോഹ്‌ലിയെ തൻ്റെ “ബണ്ണി”( സ്ഥിരമായി വിക്കറ്റ് വീഴ്ത്തുമ്പോൾ പറയുന്ന പദം) എന്ന് വിളിക്കാൻ പറ്റില്ല എന്ന് പറഞ്ഞു. എന്നാൽ ഈ വർഷം അവസാനം ഓസ്‌ട്രേലിയയിൽ വെച്ച് കോഹ്‌ലിയെ കുടുക്കും എന്ന് പറഞ്ഞു “അദ്ദേഹത്തെ വീണ്ഡ്യം കുടുക്കാൻ കാത്തിരിക്കുന്നു.” ബോളണ്ട് പറഞ്ഞു.