അടുത്തിടെ സമാപിച്ച പരമ്പരയില് അഫ്ഗാനിസ്ഥാനെതിരെ തകര്പ്പന് പ്രകടനം പുറത്തെടുത്ത റിങ്കു സിംഗിനെ പ്രശംസിച്ച് ആര് അശ്വിന്. പിച്ചില്, പ്രത്യേകിച്ച് വിഷമകരമായ സാഹചര്യങ്ങളില് റിങ്കുവിന്റെ ശാന്ത സ്വഭാവത്തെ അശ്വിന് പ്രശംസിച്ചു. സമ്മര്ദത്തിന്കീഴില് ശാന്തനായി ഇരിക്കുന്നതിനാല് അദ്ദേഹം റിങ്കു സിംഗിനെ ‘ഇടങ്കയ്യന് ധോണി’ എന്ന് വിളിച്ചു.
സിഎസ്കെ നായകന് ഇതിഹാസമായതിനാല് റിങ്കു ധോണിയെപ്പോലെ മികച്ചവനാണെന്ന് താന് പറയുന്നില്ലെന്നും എന്നിരുന്നാലും, ഇരുവരുടെയും ശാന്ത സ്വഭാവം സമാനമാണെന്നും തന്റെ യൂട്യൂബ് ഷോയില് അശ്വിന് പറഞ്ഞു.
ഇടങ്കയ്യന് ധോണി എന്ന് ഞാന് വിളിക്കുന്ന ഒരാളാണ് അവന്. എനിക്ക് അദ്ദേഹത്തെ ധോണിയുമായി താരതമ്യപ്പെടുത്താന് കഴിയില്ല, കാരണം ധോണി വളരെ വലുതാണ്. പക്ഷേ, ഞാന് സംസാരിക്കുന്നത് അവന് കൊണ്ടുവരുന്ന ശാന്തതയെക്കുറിച്ചാണ്. യുപിക്ക് വേണ്ടി അദ്ദേഹം തുടര്ച്ചയായി നിരവധി റണ്സ് നേടുകയും ഇന്ത്യന് ടീമില് ഇടം നേടുകയും ചെയ്തു- അശ്വിന് പറഞ്ഞു.
അഫ്ഗാനിസ്ഥാനെതിരായ മൂന്നാം ടി20യില്, രോഹിത് ശര്മ്മ ഒഴികെയുള്ള ടീമിലെ മറ്റെല്ലാവരും ബുദ്ധിമുട്ടുമ്പോള് റിങ്കു 69 റണ്സ് നേടിയിരുന്നു. 2023ലെ മികച്ച ഐപിഎല്ലിന് ശേഷം പ്രശസ്തിയിലേക്ക് തിളങ്ങിയ റിങ്കുവിനെ കഴിഞ്ഞ വര്ഷമാണ് ഇന്ത്യന് ടി20 ടീമിലേക്ക് തിരഞ്ഞെടുത്തത്.