സിംബാബ്വെയ്ക്കെതിരായ മൂന്നാം ടി20യിലെ ഇന്ത്യയുടെ വിജയത്തിന് ശേഷം ക്യാപ്റ്റന് ശുഭ്മാന് ഗില്ലിനെ പ്രശംസിച്ചു ഇന്ത്യന് ഫാസ്റ്റ് ബൗളര് അവേഷ് ഖാന്. മത്സരശേഷം സംസാരിച്ച ആവേശ്, ബൗളര്മാര്ക്ക് സ്വാതന്ത്ര്യം നല്കിയതിന് യുവ നായകനെ പ്രശംസിക്കുകയും ബോളര്മാരുടെ ക്യാപ്റ്റന് എന്ന് വിശേഷിപ്പിപ്പിക്കുകയും ചെയ്തു.
എന്റെ പ്രകടനത്തില് സന്തോഷമുണ്ട്. ഞാന് എപ്പോഴും പന്തില് സ്വാധീനം ചെലുത്താന് ആഗ്രഹിക്കുന്നു. ശുഭ്മാന് ബോളര്മാരുടെ ക്യാപ്റ്റനാണ്. കാരണം അദ്ദേഹം നമ്മുടെ പദ്ധതികള് നടപ്പിലാക്കാനുള്ള സ്വാതന്ത്ര്യം നല്കുന്നു. മൂന്നാം മത്സരത്തില് ഞാന് രണ്ട് വിക്കറ്റുകള് വീഴ്ത്തിയതിന് പിന്നിലെ കാരണം അവനാണ്- അവേഷ് ഖാന് പറഞ്ഞു.
ഇന്ത്യന് ക്യാപ്റ്റന് ശുഭ്മാന് ഗില് തന്റെ കളിക്കാരുടെ പ്രകടനത്തില് മതിപ്പുളവാക്കി. ”ഇത് ഞങ്ങള്ക്ക് ഒരു വലിയ ഗെയിമായിരുന്നു, ഞങ്ങള് ബാറ്റിലും പന്തിലും നന്നായി ചെയ്തു. എല്ലാവരും സംഭാവന ചെയ്യുന്നു,” ശുഭ്മാന് പറഞ്ഞു.
മത്സരത്തില് ഇന്ത്യ 23 റണ്സിനാണ് ജയിച്ചു കയറിയത്. ഇന്ത്യ ഉയര്ത്തിയ 183 റണ്സ് വിജയലക്ഷ്യം പിന്തുടര്ന്ന സിംബാബ്വെയ്ക്ക് 20 ഓവറില് ആറു വിക്കറ്റ് നഷ്ടത്തില് 159 റണ്സെടുക്കാനേ സാധിച്ചുള്ളു. വിജയത്തോടെ ഇന്ത്യ പരമ്പരയില് 2-1ന് മുന്നിലെത്തി. 13 ന് ഹരാരെയിലാണ് നാലാം മത്സരം.