മുംബൈയിലെ വാങ്കഡെ സ്റ്റേഡിയത്തിൽ നടന്നുകൊണ്ടിരിക്കുന്ന ഇന്ത്യയും ന്യൂസിലൻഡും തമ്മിലുള്ള മൂന്നാമത്തേതും അവസാനത്തേതുമായ ടെസ്റ്റിൽ അജാസ് പട്ടേലിന് മുന്നിൽ ഒരു റൺ മാത്രമെടുത്ത് മടങ്ങിയപ്പോൾ താരത്തിന്റെ മോശം ഫോം ക്രിക്കറ്റ് ലോകത്ത് വലിയ രീതിയിൽ ചർച്ച ആകുകയാണ്. 147 റൺസ് പിന്തുടരുന്ന ഇന്ത്യ ബാറ്റിംഗ് തകർച്ച നേരിടുമ്പോൾ ടീമിലെ ഏറ്റവും മികച്ച താരത്തിന്റെ ഭാഗത്ത് നിന്ന് വന്ന ഫ്ലോപ്പ് ഷോ വാർത്തകളിൽ ചർച്ച ആകുമ്പോൾ താരത്തിന്റെ ടീമിലെ സ്ഥാനം തന്നെ ചർച്ച ആകുന്നു.
ന്യൂസിലൻഡിനെതിരായ മൂന്നാമത്തെയും അവസാനത്തെയും ടെസ്റ്റിൽ വിരാട് കോഹ്ലിയെ സംബന്ധിച്ച് അദ്ദേഹത്തിന്റെ ഭാഗത്ത് നിന്ന് ആരാധകർ പ്രതീക്ഷിച്ചിരുന്നു. ആദ്യ ഇന്നിംഗ്സിൽ വെറും നാല് റൺസിന് റണ്ണൗട്ടായ വിരാട് കോഹ്ലി ഇപ്പോൾ വാങ്കഡെയിൽ നടന്ന അവസാന മത്സരത്തിൻ്റെ മൂന്നാം ദിനം വെറും ഏഴ് പന്തുകൾ നേരിട്ടതിന് ശേഷം അജാസ് പട്ടേലിന് കീഴടങ്ങി. മുംബൈയിലെ സ്റ്റേഡിയം മുഴുവൻ നിശബ്ദമായ നിമിഷം ആയിരുന്നു താഹാരത്തിന്റെ വിക്കറ്റ് .
അജാസ് പട്ടേൽ നിറഞ്ഞാടിയ മുംബൈ ഗ്രൗണ്ടിൽ അദ്ദേഹത്തെ നേരിടുമ്പോൾ ശ്രദ്ധിക്കേണ്ട ബേസിക്ക് കാര്യങ്ങൾ ശ്രദ്ധിക്കാതെ സ്ലിപ്പിൽ മിച്ചലിന് ക്യാച്ച് നൽകി മടങ്ങുമ്പോൾ താരം ടെസ്റ്റ് കളിക്കുന്നത് മറന്ന് പോയോ എന്നാണ് ആരാധകർ ചോദിക്കുന്നത്. ചെയ്സ് മാസ്റ്റർ എന്നൊക്കെ അറിയപ്പെടുന്ന വിരാട് കോഹ്ലി ഇത്തരത്തിൽ ബുദ്ധിമുട്ടേറിയ സാഹചര്യത്തിൽ ഇന്ത്യയെ വിജയിപ്പിച്ച മത്സരങ്ങൾ അനവധിയാണ് എന്നിരിക്കെ ഇപ്പോൾ ഉള്ളത് താരത്തിന്റെ നിഴൽ മാത്രമാണ് എന്ന് ആരധകർ പറയുന്നു.
ആഗ്രഹം പോലെ തന്നെ ഇംഗ്ലണ്ടിൽ പോയി സെറ്റിൽ ചെയ്യാനും ക്രിക്കറ്റ് ജീവിതം അവസാനിപ്പിച്ചാൽ അതായിരിക്കും താരത്തിന് രാജ്യത്തോട് ചെയ്യാൻ പറ്റുന്ന ഏറ്റവും നല്ല കാര്യം എന്നാണ് ആരാധകർ പറയുന്നത്.