റെക്കോഡുകളുടെ തോഴനാണ് ഇന്ത്യന്‍ നായകന്‍ വിരാട് കോഹ്ലി. വിരാട് കോഹ്‌ലിയേക്കുറിച്ച് മുന്‍ ഇന്ത്യന്‍ നായകന്‍ സൗരവ് ഗാംഗുലിയ്ക്ക് പ്രതീക്ഷകളേറെയാണ്. 2018 ലെ സൗത്ത് ആഫ്രിക്കന്‍ പര്യടനത്തോടെ വിദേശത്ത് ഇന്ത്യന്‍ ടീമിന്റെ ആധിപത്യം തുടങ്ങുമെന്നാണ് കൊല്‍ക്കത്ത രാജകുമാരന്റെ വെളിപ്പെടുത്തല്‍.
കോഹ്‌ലിയേക്കുറിച്ച് അപ്രതീക്ഷിത പ്രവചനം നടത്തിയിരിയ്ക്കുകയാണ് ഗാംഗുലി. “2019ലെ ലോകകപ്പ് വിരാട് നേടുകയാണെങ്കില്‍ ഓക്‌സ്‌ഫോര്‍ഡ് സ്ടീറ്റില്‍ തന്റെ ഷര്‍ട്ടൂരി കോഹ്ലി ചുറ്റും. എന്റെ വാക്കുകള്‍ എഴുതി വച്ചോളൂ ” എന്നാണ് ഗാംഗുലി തമാശരൂപേണ പറഞ്ഞത്. “അജണ്ട ആജ് തക്” എന്ന ചര്‍ച്ചയില്‍ ഹര്‍ഭജന്‍ സിങിന്റേയും ഇന്ത്യന്‍ മുന്‍ താരങ്ങളായ വി.വി.എസ്. ലക്ഷമണിന്റേയും സാന്നിധ്യത്തിലായിരുന്നു ദാദയുടെ പ്രവചനം.
2002 ല്‍ ലോര്‍ഡ്‌സ് ക്രിക്കറ്റ് മൈതാനത്ത് ഗാംഗുലി നടത്തിയ ആഹ്ലാദ പ്രകടനം ഏറെ ജനശ്രദ്ധ നേടിയിരുന്നു. നാറ്റ്‌വെസ്റ്റ് ട്രോഫി ഫൈനലില്‍ ഇന്ത്യ വിജയിച്ചപ്പോള്‍ ഗ്യാലറിയില്‍ ജേഴ്‌സി ഊരി ചുഴറ്റിയെറിഞ്ഞാണ് ഗാംഗുലി ആഹ്ലാദപ്രകടനം നടത്തിയത്. അതിനേക്കുറിച്ച് ചോദിച്ചപ്പോഴായിരുന്നു ദാദയുടെ പ്രതികരണം. ഹര്‍ഭജന്‍ ഗാംഗുലിയേ കളിയാക്കി മറുപടി പറഞ്ഞത് ഇങ്ങനെയായിരുന്നു. കോഹ്‌ലിയ്ക്ക സിക്‌സ് പായ്ക്കുണ്ട്. അതുകൊണ്ട് കോഹ്ലി അങ്ങനെ ചെയ്യുമെന്ന് പറഞ്ഞു. “എനിയ്ക്ക് സിക്‌സ് പായ്ക്കുണ്ടല്ലോ . ഹര്‍ഭജന്‍ ഡ്രസ്സിങ് റൂമിലായതുകൊണ്ടാണ് അത് കാണാഞ്ഞത് ” എന്ന് ഗാംഗുലി തിരിച്ചടിച്ചു.
ഇന്ത്യന്‍ നായകനെ പ്രശംസിയ്ക്കാനും മുന്‍ നായകന്‍ മറന്നില്ല. “ഇപ്പോള്‍ വിരാടിന്റെ സമയമാണ്. കോഹ്ലി ഇനിയും ഇന്ത്യന്‍ ടീമിനെ ഉന്നതികളിലെത്തിക്കുമെന്ന് ഗാംഗുലി പറഞ്ഞു.