ഇന്നലെ ഐപിഎലിൽ നടന്ന മത്സരത്തിൽ രാജസ്ഥാൻ റോയല്സിനെതിരെ മുംബൈ ഇന്ത്യൻസിന് 100 റൺസിന്റെ തകർപ്പൻ ജയം സ്വന്തമാക്കാൻ സാധിച്ചു. ഓപ്പണർമാരായ റയാൻ റെക്കിൽടോൺ 38 പന്തിൽ 3 സിക്സും 7 ഫോറും അടക്കം 61 റൺസ് നേടി. രോഹിത് ശർമ്മ ആകട്ടെ 36 പന്തിൽ 9 ഫോർ അടക്കം 53 റൺസും നേടി.
ഇരുവർക്കും ശേഷം ക്യാപ്റ്റൻ ഹാർദിക് പാണ്ട്യയും സൂര്യകുമാറും ചേർന്ന് സ്കോർ 217 ഇൽ നിർത്തി. സൂര്യകുമാർ 23 പന്തിൽ നിന്നായി 4 ഫോറും 3 സിക്സുമായി 48* റൺസും, പാണ്ട്യ 23 പന്തിൽ 6 ഫോറും 1 സിക്സും അടക്കം 48* റൺസും നേടി. ബോളിങ്ങിൽ ട്രെന്റ് ബോൾട്ട്, കരൺ ശർമ്മ എന്നിവർ 3 വിക്കറ്റുകളും, ജസ്പ്രീത് ബുംറ 2 വിക്കറ്റുകളും, ഹാർദിക് പാണ്ട്യ ദീപക് ചഹാർ ഓരോ വിക്കറ്റുകളും സ്വാന്തമാക്കി.
ഇന്നലെ നടന്ന മത്സരത്തിലും തോൽവി ഏറ്റു വാങ്ങിയത് കൊണ്ട് ഈ സീസണിൽ നിന്ന് രാജസ്ഥാൻ നാണംകെട്ട് പുറത്തായി. ഈ സീസണിൽ ടീമിന് പറ്റിയ പാളിച്ചകളും പോരായ്മകളും എന്താണെന്ന് തുറന്ന് പറഞ്ഞിരിക്കുകയാണ് ക്യാപ്റ്റൻ റിയാൻ പരാഗ്.
റിയാൻ പരാഗ് പറയുന്നത് ഇങ്ങനെ:
” ഈ സീസണിൽ ഞങ്ങൾ ഒരുപാട് ശരിയായ കാര്യങ്ങൾ ചെയ്തു, കൂടാതെ തെറ്റായ പ്രകടനങ്ങളും കാഴ്ച വെച്ചു. ഞങ്ങൾ തോൽക്കാൻ കാരണമായത് ടീമിലെ താരങ്ങളുടെ തെറ്റുകളും, ചെറിയ പിശകുകൾ കൊണ്ടുമാണ്. ചില മത്സരങ്ങൾ ഞങ്ങൾ ജസ്റ്റിനാണ് തോറ്റത്. ആദ്യ 10 മത്സരങ്ങളിലെ പോലെ ഇനിയും അടുത്ത മൂന്നു മത്സരങ്ങൾ അവസരം ലഭിച്ചാൽ ഞങ്ങൾ മികച്ച പ്രകടനം കാഴ്ച് വെക്കും” റിയാൻ പരാഗ് പറഞ്ഞു.