ചെന്നൈ സൂപ്പർ കിങ്‌സ് ആരാധകർ സമീപകാലത്ത് നിരാശപെട്ടത് രവീന്ദ്ര ജഡേജയുടെ മോശം ഫോമിന്റെ കാര്യത്തിലായിരുന്നു. അവർ ഒരുപാട് സ്നേഹിച്ച സൂപ്പർ താരമായിരുന്ന ജഡേജ ഈ സീസൺ ഐപിഎൽ ആരംഭിച്ചത് മുതൽ വിക്കറ്റുകൾ നേടാനും റൺസ് കണ്ടെത്താനും പാടുപെട്ടത് അവരെ ബുദ്ധിമുട്ടിച്ചു. വെടിക്കെട്ട് ബാറ്റിങ്ങും തകർപ്പൻ ബോളിംഗുമായി കളം നിറയുന്ന ജഡേജയിൽ നിന്ന് മാറി ബാറ്റിംഗിലേക്ക് വരുമ്പോൾ പേടിച്ചുകളിക്കുന്ന ജഡേജയിലേക്ക് അദ്ദേഹം ഈ സീസണിൽ മാറിയിരുന്നു . കഴിഞ്ഞ മത്സരത്തിൽ സൺറൈസേഴ്‌സ് ഹൈദരാബാദിനെതിരെ അഞ്ചാം നമ്പറിൽ ബാറ്റ് ചെയ്യാൻ ഇറങ്ങി 23 പന്തിൽ 31* റൺസ് നേടിയ അദ്ദേഹത്തിന്റെ ഇന്നിങ്സിൽ തന്നെയുണ്ട് ബാറ്റിംഗിൽ അദ്ദേഹത്തിന്റെ മികവ് എത്രത്തോളം പുറകിൽ പോയിട്ടുണ്ടെന്ന്.
എന്നാൽ തന്റെ ക്ലാസ് അങ്ങനെ ഇങ്ങനെ ഒന്നും വിട്ടുപോകില്ല എന്ന് തെളിയിച്ചുകൊണ്ട് ജഡേജ മനോഹരമായ ഓർ തിരിച്ചുവരവ് നടത്തിയിരിക്കുകയാണ്. ഇന്ന് കൊൽക്കത്തയ്ക്ക് എതിരെ നടാക്കുന്ന മത്സരത്തിലാണ് ബോളിങ്ങിൽ മായാജാലം കാണിക്കുന്ന ജഡേജയെ നമുക്ക് കാണാൻ സാധിച്ചു. ചെപ്പോക്കിൽ പോലും നിനക്ക് വിക്കറ്റ് നേടാൻ പറ്റില്ലേ എന്ന് ചോദിച്ചവരുടെ മുന്നിലാണ് മൂന്ന് വിക്കറ്റ് നേട്ടവുമായി ജഡേജ ആറാട്ട് നടത്തിയത്.
തുടക്കത്തിൽ ഫിലിപ്പ് സാൾട്ടിനെ പുറത്താക്കിയ ചെന്നൈ മികച്ച രീതിയിൽ തുടങ്ങിയെങ്കിലും ശേഷം ക്രീസിൽ ഉറച്ച സുനിൽ നരൈൻ – അംഗികൃഷ് സഖ്യം കൊൽക്കത്തയെ രക്ഷിക്കുമെന്ന് തോന്നിച്ച സമയത്താണ് ജഡേജ കൂട്ടുകെട്ട് തകർത്തത്. സുനിൽ 27 റൺ എടുത്ത് ജഡേജക്ക് ഇരയായി മടങ്ങിയപ്പോൾ അംഗികൃഷ് 24 റൺ എടുത്ത് ജഡേജക്ക് തന്നെ ഇരയായി മടങ്ങി. ഇരുവരുടെയും വിക്കറ്റുകൾ കൂടാതെ വെങ്കടേഷ് അയ്യരുടെയും വിക്കറ്റുകൾ വീഴ്ത്തിയ ജഡേജ 4 ഓവറിൽ വാഴങ്ങിയത് 18 റൺ മാത്രം. ജഡേജയുടെ മികവ് ചെന്നൈയെ സഹായിച്ചു. കൊൽക്കത്തയ്ക്ക് 20 ഓവറിൽ നേടാനായത് 9 വിക്കറ്റ് നഷ്ടത്തിൽ 137 റൺസാണ്.
മറ്റൊരു നേട്ടത്തിലേക്കും ജഡേജ എത്തി. ഇന്ത്യൻ പ്രീമിയർ ലീഗിൽ 100 ക്യാച്ചുകൾ പൂർത്തിയാക്കാനും താരത്തിന് സാധിച്ചു.