ക്രിക്കറ്റ് ആരാധകർക്കിടയിൽ കുറച്ച് നാളുകളായി നിലനിൽക്കുന്ന ഒരു സംശയമാണ് പാണ്ഡ്യ സഹോദരന്മാർ തമ്മിൽ അത്ര നല്ല ബന്ധത്തിലല്ല എന്നുള്ളത്. ഐപിഎൽ 2026 സീസണിൽ മുംബൈ ഇന്ത്യൻസും ആർസിബിയും ഏറ്റുമുട്ടിയപ്പോൾ ഹാർദിക്കിനെതിരെ ക്രുണാൽ പാണ്ഡ്യ പന്ത് എറിയുന്ന ദൃശ്യങ്ങൾ ഈ അഭ്യൂഹങ്ങൾക്ക് വീണ്ടും ആക്കം കൂട്ടിയിരുന്നു. എന്നാൽ, ഈ ‘പിണക്ക’ വാർത്തകളോട് രസകരമായി പ്രതികരിക്കുകയാണ് ക്രുണാൽ പാണ്ഡ്യ.
ആർസിബി പോഡ്കാസ്റ്റിൽ അവതാരകൻ ഡാനിഷ് സേത്ത് “നിങ്ങൾ തമ്മിൽ എല്ലാം ഓക്കെയാണോ അതോ വല്ല അടിയും നടന്നോ?” എന്ന് ചോദിച്ചപ്പോൾ ക്രുണാൽ പൊട്ടിച്ചിരിക്കുകയായിരുന്നു.
“കെയിനും അണ്ടർടേക്കറും തമ്മിൽ പോലും ഇടയ്ക്ക് അടികൂടാറുണ്ട്” എന്ന ഡാനിഷിന്റെ തമാശ കേട്ട് ചിരിച്ച ക്രുണാൽ , തങ്ങൾക്കിടയിൽ ഒരു പ്രശ്നവുമില്ലെന്നും എല്ലാം സുഗമമായി പോകുന്നുവെന്നും (“All ok”) വ്യക്തമാക്കി.