ഏതൊരു ബൗളർക്കും, പ്രത്യേകിച്ച് ഇന്ത്യൻ പ്രീമിയർ ലീഗിൽ കളിക്കുന്ന താരങ്ങൾക്ക് , റോയൽ ചലഞ്ചേഴ്‌സ് ബാംഗ്ലൂർ സ്റ്റാർ ബാറ്റർ വിരാട് കോഹ്‌ലിയെയും മുംബൈ ഇന്ത്യൻസ് ക്യാപ്റ്റൻ രോഹിത് ശർമ്മയെയും പുറത്താക്കുക എന്നത് വലിയ കാര്യം തന്നെയാണ്. അവരുടെ ഫോം എന്തുതന്നെയായാലും, ഇരുവരും ഈ കാലയളവിൽ നേടിയ പ്രശസ്തിയും നേടിയ റൻസുമൊക്കെ നോക്കുമ്പോൾ ബോളറുമാർ ആഗ്രഹിച്ചില്ലെങ്കിൽ മാത്രമേ അതിശയിക്കാൻ ഉള്ളു. ഈ സീസൺ ഇന്ത്യൻ പ്രീമിയർ ലീഗിൽ രോഹിത് വളരെ മോഹം ഫോമിൽ ആണെങ്കിൽ കോഹ്ലി റൺസ് നേടുന്നുണ്ട് എന്നാൽ അദ്ദേഹം അത് നേടുന്ന സ്ട്രൈക്ക് റേറ്റ് കുറവാണെന്ന വാദമുണ്ട്.
എന്നിരുന്നാലും, ഇരുവരുടെയും വിക്കറ്റ് ബോളറുമാർ വലിയ ആവേശത്തിൽ നോക്കി കാണുന്നതാണ്. സ്റ്റാർ സി‌എസ്‌കെ പേസർ ദീപക് ചാഹറിനോട് അടുത്തിടെ ഒരു പരിപാടിയിൽ അവതാരകൻ ചോദിച്ചു: “ഇഷ്ടപ്പെട്ട വിക്കറ്റ്? രോഹിത് ശർമ്മയോ വിരാട് കോഹ്‌ലിയോ? “ഞാൻ രോഹിത് ഭായിയെ പലതവണ പുറത്താക്കിയിട്ടുണ്ട് . അതിനാൽ വിരാട് കോഹ്ലി തന്നെയാണ് ഇഷ്ട വിക്കറ്റ്.
ഈ ഐപിഎൽ സീസണിൽ 18.39 ശരാശരിയിൽ 184 റൺസും 126.89 സ്ട്രൈക്ക് റേറ്റും നേടിയ രോഹിത് റൺസിനായി പാടുപെടുകയാണ്. അവസാന 5 മത്സരങ്ങളിലായി അദ്ദേഹത്തിന്റെ സ്കോർ രണ്ടക്കം കടന്നിട്ടില്ല ചെന്നൈ സൂപ്പർ കിംഗ്സിനെതിരായ അവസാന മത്സരത്തിനിടെ ഐപിഎൽ ചരിത്രത്തിലെ ഏറ്റവും കൂടുതൽ ഡക്ക് നേട്ടം രോഹിത് സ്വന്തമാക്കി.
അതിനിർണായക മത്സരങ്ങൾ വരാനിരിക്കെ രോഹിത് ഫോമിൽ എത്തുന്നതും തകർത്തടിക്കുന്നതും കാണാൻ മുംബൈ ആരാധകർ കാത്തിരിക്കുന്നു.