ആധുനിക ക്രിക്കറ്റിലെ ഏറ്റവും മികച്ച പേസറെ തിരഞ്ഞെടുത്ത് പാകിസ്ഥാന്‍ താരം ഷദാബ് ഖാന്‍. പാകിസ്ഥാന്‍ ക്രിക്കറ്റിന്റെ ഹീറോയായ ഷഹീന്‍ അഫ്രീദിയെ ഈ തിരഞ്ഞെടുപ്പില്‍ തഴഞ്ഞ ഷദാബ് ഖാന്‍, ഇന്ത്യന്‍ പേസര്‍ ജസ്പ്രീത് ബുംറയും സഹതാരം നസീം ഷായെയുമാണ് നിലവിലെ ബെസ്റ്റ് പേസര്‍മാരായി തിരഞ്ഞെടുത്തത്.
‘നസീം ഷായാണ് വെള്ളബോളിലെ ഏറ്റവും മികച്ച പേസര്‍. ജസ്പ്രീത് ബുംറയാണ് മൂന്ന് ഫോര്‍മാറ്റിലേയും നിലവിലെ ബെസ്റ്റ്’ എന്നാണ് ഷദാബ് പറയുന്നത്. കഴിഞ്ഞ വര്‍ഷം സെപ്റ്റംബറില്‍ ഇന്ത്യയ്ക്കെതിരായ ഏഷ്യാ കപ്പ് 2023 ലെ ഗ്രൂപ്പ് ഘട്ട മത്സരത്തില്‍ ഇന്ത്യയ്ക്കെതിരായ മികച്ച ബോളിംഗ് പ്രകടനത്തിലൂടെ നസീം എല്ലാവരേയും ആകര്‍ഷിച്ചു.
നസീമിനെപ്പോലെ ബുംറയും സമീപകാലത്ത് മികച്ച ഫോമിലാണ്. ഇന്ത്യ 4-1 ന് വിജയിച്ച ഇംഗ്ലണ്ടിനെതിരായ അഞ്ച് മത്സരങ്ങളുടെ ടെസ്റ്റ് പരമ്പരയില്‍ അദ്ദേഹം ആകെ 19 വിക്കറ്റ് വീഴ്ത്തി.
പിഎസ്എല്ലില്‍ നസീം ഗംഭീര പ്രകടനമാണ് നടത്തുന്നത്. പരിക്കിനെത്തുടര്‍ന്ന് നസീം ഷാക്ക് ഏകദിന ലോകകപ്പ് നഷ്ടമായിരുന്നു.
