ഇപ്പോൾ നടക്കുന്ന ഐപിഎലിൽ സൺ റൈസേഴ്സ് ഹൈദരാബാദിന് മോശമായ തുടക്കമാണ് ലഭിച്ചത്. ആദ്യ മത്സരത്തിൽ ആർസിബിയോട് 6 വിക്കറ്റുകൾക്കാണ് ഹൈദരാബാദ് പരാജയപ്പെട്ടത്. നായകനായി അരങ്ങേറ്റം കുറിച്ച ഇഷാൻ കിഷൻ മാത്രമാണ് ഹൈദരാബാദിന് വേണ്ടി തിളങ്ങിയത്.
പാറ്റ് കമ്മിന്സിന് പരിക്കുപറ്റിയതിനെ തുടർന്നാണ് ഇഷാന് നായകപദവി നൽകിയത്. എന്നാൽ, പരിക്ക് മൂലം പുറത്തിരിക്കുന്ന പാറ്റ് കമ്മിന്സിന്റെ അഭാവം മൈതാനത്ത് ടീമിനെ ബാധിക്കില്ലെന്ന് വ്യക്തമാക്കിയിക്കുകയാണ് മുഖ്യ പരിശീലകന് ഡാനിയല് വെട്ടോറി.
‘പാറ്റ് ടീമിനൊപ്പം തന്നെയുണ്ട്. തന്റെ ക്യാപ്റ്റന്സി ശൈലിയെക്കുറിച്ച് ഇഷാനുമായി അദ്ദേഹം ആശയവിനിമയം നടത്തുന്നുണ്ട്. ഇത് ഞങ്ങള്ക്ക് വലിയ സഹായമാണ്. എന്നാല് ഇഷാന് തന്റെ നായകസ്ഥാനത്ത് ഇതിനകം തന്നെ വിജയിച്ച വ്യക്തിയാണ്. ശൈലികള് വ്യത്യസ്തമായിരിക്കാം, എങ്കിലും അദ്ദേഹത്തിന്റെ നേതൃത്വത്തെ ഞങ്ങള് പോസിറ്റീവായാണ് കാണുന്നത്.’
കമ്മിന്സിന്റെ അഭാവത്തില് ടീമിനെ നയിക്കുന്ന ഇഷാന് കിഷനെ പ്രശംസിച്ചുകൊണ്ട് വെട്ടോറി പറഞ്ഞു. ആർസിബിക്കെതിരായ ആദ്യ മത്സരത്തില് ടീം തോറ്റെങ്കിലും ഇഷാൻ കിഷന്റെ പ്രകടനം ശ്രദ്ധേയമായിരുന്നു. ക്യാപ്റ്റന്സി ഇഷാന്റെ ബാറ്റിംഗിലും വിക്കറ്റ് കീപ്പിംഗിലും മികച്ച സ്വാധീനം ചെലുത്തുന്നുണ്ടെന്നും ടീമിനെ നയിക്കാന് അദ്ദേഹം ആഗ്രഹിക്കുന്നുവെന്നും വെട്ടോറി കൂട്ടിച്ചേര്ത്തു.