പ്രണവ് തെക്കേടത്ത്
കഴിഞ്ഞ കുറച്ചു മാസങ്ങളായി ആ രാഷ്ട്രം ഇതുവരെ അനുഭവിക്കാത്ത സാമ്പത്തിക പ്രതിസന്ധിയില് തകര്ന്നിരിക്കുകയാണ്. പ്രസിഡന്റിനെതിരെ പ്രതിഷേധവുമായി ജനങ്ങള് തെരുവുകളില് അണിനിരക്കുകയാണ്. എല്ലാ അര്ത്ഥത്തിലും അവര് കടന്നുപോവുന്നത് ആ രാജ്യത്തിന്റെ മോശമായ അവസ്ഥയിലൂടെ എന്ന് പറയാം.
അവിടെ ഓസ്ട്രേലിയ ഒരു പരമ്പരക്കായി എത്തുമെന്ന് പോലും ആരും ചിന്തിച്ചിരുന്നില്ല. എന്നാല് ഓസീസ് ക്രിക്കറ്റ് ബോര്ഡ് പരമ്പരയുമായി മുന്നോട്ട് പോവാന് തീരുമാനിക്കുന്നു. അതും അവരുടെ മെയിന് പ്ലെയിങ് ഇലവനെയും വെച്ച്.
ആദ്യ രണ്ട് ടി20 യില് ശ്രീലങ്ക തോല്വി നുണയുമ്പോഴും കൊളോമ്പോയിലെ പ്രേമദാസ സ്റ്റേഡിയം നിറഞ്ഞു കവിയുന്നുണ്ട്. ആരാധകര് തോല്വിക്കിടയിലും ആ നിമിഷങ്ങള് ആസ്വദിക്കുന്നുണ്ട്.
pallekkele സ്റ്റേഡിയത്തിലേക്ക് ഓള്റെഡി സീരീസ് അടിയറവ് വെച്ച തങ്ങളുടെ ടീമിനെ വീണ്ടും സപ്പോര്ട്ട് ചെയ്യാന് പതിനായിരങ്ങള് എത്തുന്ന കാഴ്ച്ച. ഉത്സവ അന്തരീക്ഷത്തില് തോറ്റെന്നുറപ്പിച്ച ഒരു മത്സരം നായകന് തിരിച്ചു പിടിച്ചു നല്കുന്ന മുഹൂര്ത്തം, ആ ജനതയെ ഉള്ളു തുറന്ന് സന്തോഷിപ്പിക്കുകയാണ്.
കടപ്പാട്: ക്രിക്കറ്റ് കാര്ണിവല് 24 × 7