ഇന്ത്യ പാക്കിസ്ഥാൻ സംഘർഷത്തിൽ ഒരാഴ്ചത്തേക്ക് ഐപിഎൽ സസ്പെൻഡ് ചെയ്തിരിക്കുകയാണ്. നിലവിലെ സാഹചര്യത്തിൽ മെയ് 15 മുതൽ ആരംഭിക്കാനാണ് സാധ്യത എന്ന് റിപ്പോട്ടുകൾ ഉണ്ടായിരുന്നു. എന്നാൽ പാക്കിസ്ഥാൻ സീസ്ഫയർ ലംഖിച്ചതോടെ കാര്യങ്ങൾ എല്ലാം അവതാളത്തിലായി. ഔദ്യോഗീക സ്ഥിരീകരണം ഉടൻ തന്നെ ബിസിസിഐ അറിയിക്കും.
ഈ വർഷത്തെ ഐപിഎലിൽ നിന്ന് ചെന്നൈ സൂപ്പർ കിങ്‌സ് പ്ലെഓഫ് കാണാതെ പുറത്തായിരുന്നു. ടീമിൽ ഒട്ടുമിക്ക താരങ്ങളും മോശമായ പ്രകടനമാണ് കാഴ്ച വെച്ചത്. കൂടാതെ എം എസ് ധോണിയും മികച്ച പ്രകടനങ്ങൾ കാഴ്ച വെക്കുന്നതിൽ പരാജയപ്പെടുകയാണ്. ഐപിഎലിൽ നിന്ന് താരം ഉടൻ തന്നെ വിരമിക്കണം എന്നാണ് ആരാധകർ ആവശ്യപ്പെടുന്നത്.
വൈകിയെത്തി ചുരുങ്ങിയ മത്സരങ്ങൾ കൊണ്ട് വെടിക്കെട്ട് പ്രകടനം നടത്തി ആരാധകരുടെ പ്രീതി പിടിച്ച് പറ്റിയ താരമാണ് ബേബി എ ബി ഡിവില്യേഴ്‌സ് എന്ന് അറിയപ്പെടുന്ന ദേവാൾഡ് ബ്രെവിസ്. ഐപിഎൽ സസ്പെൻഡ് ചെയ്തത് കൊണ്ടും ചെന്നൈ ഈ സീസണിൽ പ്ലെഓഫിൽ കയറാൻ സാധിക്കാത്തത് കൊണ്ടും ബ്രെവിസ് തന്റെ രാജ്യത്തേക്ക് മടങ്ങി. അതിനെ കുറിച്ച് അദ്ദേഹം സംസാരിച്ചു.
ദേവാൾഡ് ബ്രെവിസ് പറയുന്നത് ഇങ്ങനെ:
” പരിശീലകർക്കും, സ്റ്റാഫുകൾക്കും, എല്ലാത്തിനും ഉപരി ചെന്നൈ ആരാധകർക്കും എന്നെ പിന്തുണച്ചതിനും സ്നേഹിച്ചതിനും നന്ദി. ചെപ്പോക്കിൽ ഒരു രക്ഷയുമില്ലാത്ത പിന്തുണയായിരുന്നു നിങ്ങൾ തന്നത്. ഇന്ത്യയിൽ നടന്ന എല്ലാ മത്സരങ്ങളിലും നിങ്ങൾ നൽകിയ സ്നേഹത്തിനു നന്ദി. ഇന്ത്യയിൽ ചിലവഴിച്ച ഈ നിമിഷങ്ങൾ ഞാൻ എന്റെ ഹൃദയത്തിൽ സൂക്ഷിക്കും. ചെന്നൈ നൽകിയ ഓർമകളും ഞാൻ എന്നും ഓർത്തിരിക്കും” ദേവാൾഡ് ബ്രെവിസ് പറഞ്ഞു.