ഇന്ത്യയുടെ മധ്യനിര ബാറ്റര്‍ സൂര്യകുമാര്‍ യാദവിനെ യുവ താരങ്ങളോട് താരതമ്യം ചെയ്യാനാവില്ലെന്ന് മുന്‍ പാക് ഓപ്പണര്‍ സല്‍മാന്‍ ബട്ട്. സൂര്യകുമാര്‍ പക്വത കാട്ടേണ്ടതുണ്ടെന്നും ബട്ട് പറഞ്ഞു.
സൂര്യകുമാര്‍ യാദവ് ആഭ്യന്തര ക്രിക്കറ്റില്‍ ഒരുപാട് മത്സരങ്ങള്‍ കളിച്ചിട്ടുണ്ട്. അയാള്‍ക്ക് മുപ്പതിലേറെ വയസുണ്ട്. സാധാരണയായി ഈ പ്രായത്തില്‍ ഒരു കളിക്കാരന്‍ വളരെ പക്വത കാട്ടേണ്ടതാണ്. ഇഷാന്‍ കിഷനുമായും ഋഷഭ് പന്തുമായും സൂര്യകുമാറിനെ താരതമ്യം ചെയ്യാന്‍ പറ്റില്ല. ഇഷാന്തും പന്തും താരതമ്യേന ചെറുപ്പമാണ്. സൂര്യകുമാറിനോളം പരിചയസമ്പത്തും അവര്‍ക്കില്ല. അതിനാല്‍ സൂര്യകുമാര്‍ സ്ഥിരത കാട്ടണം- ബട്ട് പറഞ്ഞു.
അസ്ഥിരതയാണ് സൂര്യകുമാര്‍ യാദവ് നേരിടുന്ന പ്രധാന പ്രശ്‌നം. ന്യൂസിലന്‍ഡിനെതിരായ ആദ്യ ടി20യില്‍ അയാള്‍ 62 റണ്‍സ് നേടി. തുടര്‍ന്ന് റാഞ്ചിയിലും കൊല്‍ക്കത്തയിലും രണ്ടക്കം തികച്ചില്ല. ടി20 ലോക കപ്പിലും സൂര്യകുമാറിന് സമാന പ്രശ്‌നമുണ്ടായിരുന്നെന്നും ബട്ട് പറഞ്ഞു.