ജോണി ബെയർസ്റ്റോ വരാനിരിക്കുന്ന ഹൺഡ്രഡ് ടൂർണമെന്റിന്റെ ഓപ്പണിംഗ് സ്റ്റേജിൽ നിന്ന് പിന്മാറി, ഈ വർഷത്തെ മത്സരത്തിൽ ഒന്നിലും താരം പങ്കെടുക്കില്ല.
ബെയർസ്റ്റോ വെൽഷ് ഫയറിന് വേണ്ടി കളിക്കാനിരിക്കുകയായിരുന്നു, ദക്ഷിണാഫ്രിക്കയിൽ കളിക്കാനുള്ള ഇംഗ്ലണ്ടിന്റെ ടെസ്റ്റ് ടീമിൽ ചേരുന്നതിന് മുമ്പ് , നിലവിലെ ചാമ്പ്യൻമാരായ സതേൺ ബ്രേവിനെതിരായ ബുധനാഴ്ചത്തെ സീസൺ ഓപ്പണർ ഉൾപ്പെടെ – ആദ്യത്തെ രണ്ടോ മൂന്നോ ഗെയിമുകൾക്ക് ബെയർസ്റ്റോ ലഭ്യമാകുമെന്ന് പ്രതീക്ഷിച്ചിരുന്നു. എന്നാൽ, ESPNcriinfo വെളിപ്പെടുത്തിയതുപോലെ, ആ പരമ്പരയ്ക്ക് മുന്നോടിയായി വിശ്രമിക്കാനും തിരക്കേറിയ മത്സരക്രമം വരുന്നതിനാൽ അദ്ദേഹം പിന്മാറി,
“ഈ വർഷം ഞാൻ ടൂർണമെന്റിന്റെ ഭാഗമാകില്ല എന്നതിൽ ഞാൻ നിരാശനാണ്,” തന്റെ അഭാവം സ്ഥിരീകരിച്ചതിന് ശേഷം ബെയർസ്റ്റോ പറഞ്ഞു. ” എനിക്കിത് ഇഷ്ടമായിരുന്നു, പക്ഷേ ഷെഡ്യൂളുമായി ബന്ധപ്പെട്ട് തിരക്കുകൾ ഉള്ളതിനാൽ , ദക്ഷിണാഫ്രിക്ക ടെസ്റ്റ് പരമ്പരയ്ക്ക് മുമ്പ് എനിക്ക് അൽപ്പം വിശ്രമം ആവശ്യമാണ് . വെൽഷ് ഫയർ ടീമിന് എല്ലാ ആശംസകളും – ഞാൻ നിങ്ങൾക്കായി കൈയടിക്കും .”
നോർത്തേൺ സൂപ്പർചാർജേഴ്സ് സ്ക്വാഡിൽ നിന്ന് ബെൻ സ്റ്റോക്സ് പിന്മാറിയതിന് പിന്നാലെ, മത്സരത്തിന്റെ രണ്ടാം സീസണിന് മുന്നോടിയായി ബെയർസ്റ്റോയുടെ തീരുമാനം ടീമിന് കനത്ത തിരിച്ചടിയാണ്.